حبٍ على النقيان مايدخل العوق=ياللي تشك ولاتعرف المحبه
تفتح عليك الدرب والدرب مغلوق=لكن كب الشك ياهيه كبه
وان كان فيه حقوق انا طالب حقوق=ياللي تعرف الحق بالحق لبه
ومهوب عيب يصير عاشق ومعشوق=وحبٍ على وضح النقاء مانسبه
نرقا به العلياء ونطلع على فوق=والراس عالي مايجي بالمكبه
وسبحان من هو يوهب الحب مخلوق=ويغوص به فالحب غبه وغبه
اما شرف ولا يجي مصدره بوق=ولاخير في حبٍ على البوق شبه
والشوق يلعبك ليا صار بك شوق=لاصرت ماتعطى السنع ثم تذبه
وانا على وضح النقاء دون مفهوق=عشقت غروٍ حط قلبي بعبه
غروٍ على وضح النقاء يلبس الطوق=لاهوب بدقاقٍ ولاهوب دبه
من خلقته ماقد دخل داخل السوق=ولاداج وسط السوق بين المشبه
راح ورحل والقلب خلاه مفتوق=عقبه جروح القلب دمي تصبه
وتكفون يابرقا وتكفون ياروق=ياللي على العدوان ريحٍ مهبه
ردو وليفي غايتي طيب الذوق=اللي نهب عقلي وقلبي لعبه
والناس قالو كل مطرود ملحوق=والادمي ماعذبه غير ربه