مستور العصيمي مع سوار الذهب
 

محاوره قويه بين مستور العصيمي وعبدالله الميزاني سوار الذهب
في حفل اللغيصم تحتاج لوقفات من شعراء منتديات الهيلا لفك معانيها
ورموزها الدقيقه



سوار الذهب
سلام تسليمةٍ فيها سلام و 000)000يقولها عند شمر واحدٍ عبدلي
ياليت مستورلو ساعه يعود شباب000والله لحدك على ماقاله الحنبلي

مستورالعصيمي
يامرحبا ياهلا بك عن عزيز الجناب000العام وش قلت لك واليوم وش قلتلي
ان كان مانته بحاسب لليالي حساب000أقول ما يربط بالحبل غير الطلي

سوار الذهب
أنا أدري إنك توردها الخطر ماتهاب000لكن مئثر عليك البرطم الاسفلي
ماكل دعوه لمنهو قالها تستجاب000 لكن حي العليا غير حي السلي

مستورالعصيمي
أنا أشهد إنك وردت العد صاف الشراب000يمديك تقطع ظماك بعدًه الممتلي
ياصاحبي ياولد ميزان هرجك صواب000ترى شفاعة محمد غير قوة علي

سوار الذهب
لا تحسبنك ملك عندك حساب وعذاب000أنت لياليك بعض أوقات ماتنجلي
أنا ليا صدت لي حوته يطير العقاب000وألي على حظ غيري لاتقولون لي

مستور العصيمي
إبتل ما دام الاشده في ظهور الركاب000وأنا ترى محمل السلطان مع محملي
تعبت لمصافق الشعار والراس شاب000ياذيب مثلك ترى حاربت كل هذلي

سوار الذهب
أنا قتيل الهوىماني قتيل السراب000وأنا تراني على شأنك نحرت جملي
ياطالب الخيرباب الله على كل باب000 وشبك تود الجحادل يم ديرة بلي

مستور العصيمي
الحمد لله طاب البال والحظ طاب000جد العرب في العرب جد البقر في حلي
وراك حطيتها مابين ضرس وناب000خلك مع الناس باقي لا تلقى الخلي

الله الله الله


مستور يتدفق شعرا في هذا الطاروق


عاش ابو تركي هو مستور سواء كان شباب أو شايب شعره تتعلم منه أجيال

الميزاني يقول ليت مستور يعود شعره كما كان في مرحلة الشباب ويبتعد عن الماده والمجاملات

أعجبني هذا البيت

أنا أشهد إنك وردت العد صاف الشراب000يمديك تقطع ظماك بعدًه الممتلي


صح لسان الميزاني ولسان مستور العصيمي

وبيض الله وجهك يا حمود على النقل الرائع والسريع

لا أجد تفسير سواء القول بأنها محاورة عمالقة ..

لم يكن يتوقع عبدالله الميـزاني بأن يأتي عريف الحفل ويقطع جمال المحاورة وبدأت المعالم جليه على محيا عبدالله .

مستور العصيمي : اكبر من أن اعلق عليه ..

الجميل بهذه المحاورة سرعة الرد بين الشاعرين .

تحية لرواد الهيلا .
؛

من اجمل ماسمعت

ولا غرابه شعراء عمالقه

اتمنى ان اجد فديو للمحاورة

تحياتي

ابو فايح

شكرا لمرورك وتعليقك الوافي

ووجهك أبيض لاهنت

محمد البرازي


شكرا لمرورك وروعة الرد


لاهنت

الله يا مستور تطربنا والله


يقصد مستور مادام المعاني باقيه لها ناس تعرفها

نقاش حول الشعر وماضي الميزاني

العفريت


شكرا لمرورك


تحياتي

إبتل ما دام الاشده في ظهور الركاب
وأنا ترى محمل السلطان مع محملي




محاورة عملاقة


لاهنت ياحموود