الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   أبو زيد الغبيوي وعلي الحصني (جديد) (http://www.otaibah.net/m/showthread.php?t=119641)

أحمد المويعزي 11-Dec-2010 01:30 AM
أبو زيد الغبيوي وعلي الحصني (جديد)
 
السلام عليكم ورحمة الله وبركاته

مساء الخير


أبو زيد الغبيوي:
ياسلام الله وابارك للزميل اللي دعاني=دعوتي واجب عليه وجيته واجب عليه
كل شاعر وده يغني من جزال المعاني=والمعاني سهم خافي بين هذيه وذيه

علي الحصني:

مرحبابك من جبل دخنه ليا ضلع حلباني=مثل ريح العود والجاوي وطعم الشاذليه
انت ابو زيد الهلالي بس دور لك حصاني=واغز ربع(ن)يطبخون الجايده في جلد نيه

أبو زيد الغبيوي:

بارك الله بالعميل اللي بنا زين المباني=ماتزعزع لو تهب الها الرياح الموسميه
وانته الحصني من رجال(ن)حشام ولاتهاني=اغز للي عقبولك باخر الدنيا قضيه

علي الحصني:
الشجاعه شي ثاني والسياسه شي ثاني=كان ما انته جامع الثنتين مشكلتك قوويه
يالغبيوي ما غدالي شي من ماض الزماني=اتغدى لي ضحيه واتعشى لي ضحيه

أبو زيد الغبيوي:
السياسه عند ابو متعب وباقين الخواني=وانت شاوي طول عمرك من قطن لاقصى طميه
انت ودك بالعشى لكن موت الروح داني=كيف تسلم من مخاليب الحرار الصيرميه

علي الحصني:
يامحمد خلها دله بهيل وزعفراني=مانبا نفرك جنوبك بالمياه المعدنيه
الله أكبر يازماني شال مني ماعطاني=بس أجي واروح بين مقيطره والفيصليه

أبو زيد الغبيوي:
وانت عندك سالفة هذاك وفلان وفلاني=السنع معطن نحيه والجهل معطن نحيه
لو هي بكيفي لارقيكم على زين المكاني=مير لاتشره عليه بعد طارت من يديه

علي الحصني:
العرب تاكل وترقد والشحم ملي الصياني=وانت يابو زيد ريح لاشداد ولامطيه
انت رجل ونيتك زينه وعلمك ماخفاني=دام طارت من يديك العفو عند المقدريه

ابو فايح 11-Dec-2010 02:05 AM
طاروق رائع كل شاعر يمدح خصمه ويرى أنه لم يأخذ حقه من الإعلام ويرى أن الشعر لايكفي لابد من وجود سياسه وعلاقات



صحت السنتهم وبيض الله وجهك يا احمد على النقل

الصويت الثبيتي العتيبي 12-Dec-2010 05:46 PM
صحت السنتهم




وبيض الله وجهك يا احمد على النقل

الهزبري 14-Dec-2010 12:06 AM
محاورة رائعه من شعار مبدعين

مشكور يااحمد

الحافي 1 26-Aug-2011 05:46 AM
يامحمد خلها دلـه بهيـل وزعفرانـي =مانبا نفرك جنوبـك بالميـاه المعدنيـه
الله أكبر يازماني شال مني ماعطانـي =بس أجي واروح بين مقيطره والفيصليه
هنائ يوجد ابداع قوي من الحصني
اشكركم على النقل

برنس العتيبي 26-Aug-2011 06:16 AM
«®°·.¸.•°°·.¸¸.•°°·.¸.•°®»مشكــور علــى الـــنقـل كذالـك نشكــر استـــاذ المـــنتدى «®°·.¸.•°°·.¸¸.•°°·.¸.•°®»~*¤ô§ô¤*~ابـــو فايـــح~*¤ô§ô¤*~ علـــى تحلــيل المحـــاوره

جمال منير 26-Aug-2011 10:20 PM
/

الشجـاعـه شــي ثـانـي والسيـاسـه شــي ثـانـي ///كـان مـا انتـه جامـع الثنتيـن مشكلتـك قوويـه

نعم هذا البيت حل محل مقولة تطلع السابق بيدها (في الوقت الحالي....:)


الساعة الآن »09:25 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd