مرني زولن مليحن وشوقني شقــــا%مرني ممشاه برفوق ما فيه طفقـه غزليه لشاعرشعيل الهاجري
 

مرني زولن مليحن وشوقني شقــــــــــا %% مرني ممشاه برفوق ما فيه طفقـــــــــــــــه

فــــز قلبي يوم عرض لزولـه واشتقــــــا %% من جماله تل قلبي معاه وعلقـــــــــــــــــــه

شبــــك اسلوك المحبه وحنا اول لقــــــا %% واللقا ما غير لحـظات والقلـب اسرقـــــــــــــه

والشعر الاشقر يجي بيني وبينه تقــــــا %% كل ما غطـا جـبينه بكــفه يفهقـــــــــــــــــه

كن خده برق نون تشعشع واشرقــــــــا %% بعد ما حن الرعد فيه وانهــل اودقـــــــــــــه

ذكر المشتاق حبن على وضح النقــــــــا %% يـوم باب الحـب ماكـل من جـاه طرقـــــــــــه

واستعاد القلب ذكرا زمانن مابقـــــــــــا %% مـنه كـود ارسـوم واعـلوم وده واشفقـــــــــه

واهله اهل الصنف والذوق بالطيب اصدقا %% سدهم مصــــــيون ما مـنهم اللـي ينطقـــــــه

الهوى له ســـــر بين المــــلا ماينطقـــــا %% يـحفظونه في صـدورن عـليـه مغلقـــــــــــــه

قبل يعبث فيه ناسن من الناس طفقـــــــا %% عـشقهم فالسـوق والـرقم يحــذف بورقــــــه

احد منهم لا لقا يفتضـــــح باللي لقــــــا %%واحد منهم يصطنع له علوم ملفقـــــــــــــــــه

شوهوا سلم الهوى كل طيرن ابرقــــــا %% والهـوى من دونهـم صـك بابـه واغـلقــــــــــه

و بعد ذا شفي من الشعر قافن منتقـا %% الكــلام اللــي كثـير العــوارف تعشقــــــــــه

قلت اباسند على شاعرن فيه اهقــــــــا %% وزملانا فالشعر كـلهم فيـهم ثقـــــــــــــــــه

وبعض منهم قالوا القــاف هذا مغلقـــــا %% خاف تحرج فيه مـن لايـصخر منطقــــــــــــــه

والشعر بحرن وكم طاح فالبحر اغرقـــا %% يصطفق مـوجه ومن لفــه المــوج اغرقـــــــه

اتمنى ان تحوز على اعجاااابكم

صح لســـانك

صح لسان الشاعر


ولاهنت