هـذا الزمـن ياحمـود مسـرع وعـجـلان=فـي سرعتـه مثـل انـطـلاق الرصـاصـة
لاشـك مـا يلحـق علـى شغلـه انسـان=والــكــل مــنــا مـنـشـغــل فـاخـتـصـاصـه
لـيــت الـقـلـوب الـهــا قـفـولـن وبـيـبــان=مـن اجـل مـا يحتلهـا أهــل اللصـاصـه
شــواهــد الـتـاريــخ تــشــرح لـلإنـســان=واعمـى البصيـره فـي مسـيـره حيـاصـه
تبقـى لنـا الذكـرى عـلـى مــر الأزمــان=بـس الحظيـظ الــي سريـعـن قصـاصـه
اقـولـهــا والـقــلــب تــمـــلاه الأشــجـــان=وشـلــون يـالابــرص تــــدّس الـبـراصــه
لابــــد تـظـهــر لـــــك مــواريـــه وتــبـــان=وبعـض البشـر يمكـن تجـيـد اقتنـاصـه
يـاقـلـب هـــوّد مــــن تــذكــرك بــادمــان=الـــي بــخــده مــــن حــمــار الاجــاصــه
يـخـتــال فــيــك بــصــورةٍ كـلـهــا ألــــوان=ويجـري معـك والـدم يهـوى امتصاصـه
ادعج ليا اطرق لك بمدعوج الأعيـان=الــــروح مــــا تــقــدر هــــواه ومـنــاصــه
أغيـب فـي غيّـه مـن الـشـوق ولـهـان=وارجـــع الـــى رشــــده وادور خــلاصــه
مـعــذور لــــو عــبــرت لــلــود بـألـحــان=قبلي من أهـل الطيـب مليـون غاصـه
اجـدادنـا مــن قـبـل تُــروي شـبـا الـــزان=ويصيدها الظبي بشخوص اوشخاصه
أهــل الـفـعـول و فالمـلـمـات شـجـعـان=مـثــل المـحـيـط المسـتـحـيـل انـتـقـاصـه
علـى الـعـدى وابــل صـواعـق وبـركـان=ولـلـي مـوالــي مــثـــل تـــمـــر الــخــلاصــه
هـــذا وانـــا شـاعــر واعـبــر لــلأذهــان=قــنَــاص شــعــر ولـلـمـعـانـي قـنــاصــه
لا قلـت مـا قالـوا لـي الـنـاس غلـطـان=اجـيـب مــن فـيـض المعـانـي خـلاصـه
شعري شعور ...ولا شريته بالأثمـان=ولو ان بـعـض الـشـعـر زور ونـقـاصـه
راع الشـعـر مـعـروف والشـعـر وديــان=وراع الحـطـب يـعـرف مـكـان الفـراصـه
كــم واحــدن شـعـره قـوافـي مـــع اوزان=ومـالــه بمـسـبـوك المـعـانـي بـخـاصــه
الله يخلـي اهـل الوفـا واهـل الاحـسـان=الـمـوثـره لـــو كــــان فـيـهــا خـصـاصــه
فاصـبـر علـيـه وقــفّ عـنّـه بسـفـهـان=خـلــك بـبـاصـك وابـــن عـمــك بـبـاصـه
بعض العـرب مـن نـوع ناقـة عريمـان=امــــــا بــــــرك ولا ســـريـــع امـــلاصــــه
يعطيـك مـن ذوب العـسـل لــذة لـسـان=ويــمــرج مــريـــج مــذيـــرات الـقـنـاصــه