يازيـن لاتجـرح المشتـاق بغيابـك=لاغبـت عنـي عنـا قلبـي يعنينـي
أفتح لك أبواب قلبـي تغلـق أبوابـك=وتصد عني وتحـرج قلبـي وعينـي
بينـي وبينـك لذيـذ الـود متشابـك=بالطيب والخلـق والأخـلاق والدينـي
ماهو بحق إني أحزن فيـك واشقابـك=وانت الغلا والجمـال اللـي يسرينـي
أسري مع الحزن قال الحزن وش جابك=قلت المحبـة تلاحـظ مـن عناوينـي
قال إبتعد وش تبا ماني من أصحابـك=قلـت المصيبـة تغفّلنـي وتطوينـي
ماناش قلبي همـوم إلا مـن اسبابـك=ولاعاندتنـي حياتـي قبـل تأتيـنـي
وين أنت يالغالي اللي ماحـدن عابـك=فيـك المثايـل جمايـل بالملاييـنـي
ياجعل هم الدهـر يخطيـك ماصابـك=والدمعه اللي علـى عينيـك تبكينـي
خذني بقايا غلا مـن جملـة ألقابـك=وآخذك غايـة شـرف والله يهدينـي

المشاركة الأصلية كتبت بواسطة الصويت الثبيتي العتيبي (المشاركة 1135810) صح السانك يا منصور

المشاركة الأصلية كتبت بواسطة ابن سرحان الثبيتي (المشاركة 1135813) صح لسانك يالغالي "

المشاركة الأصلية كتبت بواسطة عبد الكريم العازمي (المشاركة 1135828) صح اللسانك وسلمت على الجزله