انا لي ثمان اسنين كني قريص الداب= اسامر نجوم الليل من بعد خلاني!!
وتكثر همومي كل ماوقت بالمرقاب= حدتني ضروفي والزمان يتحداني!!
ياشين الجفاوالصد لاجا من الاحباب= يزعل موديني وتسترعدواني!!
طعني برمحاً فالحشى مثل رمح اذياب= وقفا لطيف الروح عني وخلاني!!
معاليق قلبي فوقهنه كما المشهاب = مغير اتوجد واتسلى باللحاني!!
اجامل واداري لين دقني وراسي شاب= قضيت العمر مابين صدن وهجراني!!
زمان العجايب حطني بين ضرس وناب=وانا ازيد صبري صبر لو كان ماكاني!!
يالولى الحيى لاصيح وامشي بدون اثياب= واقول اسمها ياناس في كل الاوطاني!!
ابا ازبن خلف هذال وابن نحيت حجاب= لهم تجربه فالحب من ماض الازماني!!
واقول اكتبولي قصةً تعجز الكتاب= يسولف بها الاول على حضرة الثاني!!

المشاركة الأصلية كتبت بواسطة نواف الشيباني+ (المشاركة 1135157) الله الله صح لساااااانك

المشاركة الأصلية كتبت بواسطة ابن سرحان الثبيتي (المشاركة 1135162) اجامل واداري لين دقني وراسي شاب ياسلاااام صح لسانك يالعووود ومافيك حيله " لازال القلب خضر :)

المشاركة الأصلية كتبت بواسطة فواز منيع الله الثبيتي (المشاركة 1135211) الله عليك ياعلي صح لسانك وارتفع شانك يالذيب تقبل مروري واعجابي ولك فائق ودي وتقديري