السلام عليكم ورحمة الله
اقرب يالفيصل

يالفيصل اقرب نبا ناخذ معك جوله=يالشاعر اللى تهيا له بنا دوله
اعرف فعولى ولانى باجهل فعوله=والراس مرفوع والرايات مرفوعه
***************************=*****************************
قم يافيصل ترى جاك الهجاد=والقوافى سرجنا خيلها
قوم والعب ترى مابه رقاد=والشواعير جاها ويلها

انا وصلتك ما دام انك تناديني=لكنّ حذرا يا ابن برقا تجاريني
عافاك ربّك .. وانا ربّي يعافيني=والراس مرفوع والرايات مرفوعه
*************************=*************************
هيه حيّا على طيب الجهاد=والعوارف ما يرضي ميلها
انت لا جيتني تبغى الحصاد=ثمرتك ما عرفنا كيلها

منته بواصل ولكن جتنى اخبارك=يالشاعر اللى نويت اطفى انوارك
لكن حذرا يافيصل تحرقك نارك=والراس مرفوع والرايات مرفوعه
*************************=*************************
نوخ الفاطره وارخى الشداد=والحمول الثقيله شيلها
مالك الا ترى قدح الزناد=لين والله تحسب ليلها

انا علومي على ما قيل ( مضبوطه) =يا من يلفلف على جمجمته الفوطه
جاك الثبيتي وناوي جلدك بسوطه=والراس مرفوع والرايات مرفوعه
************************=************************
هيه يا ويلكم يا قوم عاد=المدافع تدافع سيلها
نبا نطحن عظامك كالرماد=يا عيونٍ غرق منديلها