سلام يااهل الحكم في قصر اليمامه والسلام=حكامنا آل سعود نفداكم عساكم تسلمون
حنا صفوف مكبَره ومهلَله خلف الإمم=ياابن الإمام إبن الأئمَه من قديمات القرون
طاعة ولي الأمر يأمرنا بها رب الأنام=واللي يعاديكم عدو إنَا بلا شك أو ظنون
حب الوطن شعبه من الإيمان مثلي مايلام=أنا سعوديٍ ولي في ديرتي ربع او حصون
بني سعد نعرف من عتيبه إلى إشتد الحزام=ومعاهدين الله ومن عاهد بعهده مايخون
عتيبه الهيلا لنا فالمجتمع قدر او مقام=نعطِ الوفا طلابته نستوفي إلكل الديون
من يوم ماصقر الجزيره مد جنحانه وحام=واجدادنا وآبائنا جنده وحنا مانهون
شعب او حكومه كلنا يد وحَده شرع او نظام=واللي يبون الزعزعه لالا ولالا ويخسون
أغاضنا ماصار منهم كيف في شهر الصيام=في عاصمتنا الغاليه ماراقبوا رباً منون
أيضاً ولا راعوك ياقدسية البيت الحرام=وبمثل مااغواهم إبليس أرجو عساهم يهتدون
على خطاهم يشهد الله ثم من صلى وصام=لو فكرهم بنَاء ماكان لما بنينا يهدمون
وختامها ياسيدي منَا تحيه واحترام=ومعاهدين الله ومن عاهد بعهده مايخون