حسين بن شتوي الحبابي=
سلام ياعتيبه الهيلا زحول الرجال=قبيلة ماهزمها غيرجيرانها
كان العضياني يميز حرام وحلال=يبعدعن النارشعلتها ودخانها
علي العضياني=
يا مرحبا عن رجال تضدكم من شمال=و قحطان ربعك تشدّدّها من أوطانها
دام الثقه فالصدور الشك ما له مجال=العنصريّه لزوم تصك بيبانها
حسين بن شتوي الحبابي=
حنا سوات النجوم انتوسوات الجبال=ماللجبال الرفيعه غير بركانها
الحاجه الكايده صعبه على كل حال=غلطان لوتتعب اقدامك على شانها
علي العضياني=
أنتم كما النار و العتبان وبل الخيال=ياللي تقول العلوم بدون برهانها
ترى الصعيبه تطيع مشوربين العيال=اللي ونعم الشوارب مكسب أيمانها
حسين بن شتوي الحبابي=
في السلم والحرب قوم فعلنا لايزال=لاكن خل العلوم يقرميزانها
بعض الشجر ياعتيبي ماتحتها ضلال=وبعض الشجرتستضل الناس باغصانها
علي العضياني=
يا حسين لو تستخير تقرّر الإعتزال=قبل المواقيف رابحها و خسرانها
ميزات روس الفتايل سرعة الاشتعال =يوم إنّ قدح الزنود تشبّ نيرانها
حسين بن شتوي الحبابي=
لوالموظف قبل يبدالدوام استقال=فالله واكبرعلى نفسه وشيطانها
مافيه احد يارد الجمه بليا حبال=وثنتين لازم تدينها وتدانها
علي العضياني=
لا بدّ تعطيك درس مهمّ , سود الليال=و دروس سود الليالي صعب نسيانها
كاس آسيا العام ما جابه فريق الهلال=صحيح و اللي يعزّ النفس ما هانها
حسين بن شتوي الحبابي=
كلن يبي يشتري بجنيه ولا ريال =لاكن بعض البضايع زادت اثمانها
والنصرفاز بلقب غالي واقام احتفال=والقادسيه تموت وتكثراحزانها
علي العضياني=
عندي نماذج فروسيه و مضرب مثال=والخيل دايم تعرف أصوات فرسانها
خزينة النصر فيها ما بقي راس مال=ما غير صفر الفنايل تجذب ألوانها
حسين بن شتوي الحبابي=
بعض المساجد على شانه تشد الرحال=صل الصلوات دامك تعرف اركانها
الواقعي واقعي ماهوبمثل الخيال =وبعض العرب رزقها يادوب ورعانها
علي العضياني=
المسلم اللي على المنبر يؤذّن بلال=و أهل الخلافه تصلّ الفرض باخوانها
رزقي و رزقك على المولى عزيز الجلال=ولاّ العرب ما طمعنا مال يتمانها

المشاركة الأصلية كتبت بواسطة الباااسل (المشاركة 1132894) فرق شاسع بين الشاعرين من حيث قوة الابيات وعلي الافضل من وجهة نظري

المشاركة الأصلية كتبت بواسطة نايف المغيبي (المشاركة 1132887) علي الحبابي مشكور على هذا النقل الرائع

المشاركة الأصلية كتبت بواسطة الحد الرهيف (المشاركة 1133801) لاهنت ياعلي علي نقل هالمحاوره بصراحه هالشاعرين حسين بن شتوي وعلي العضياني هم نجوم شاعر المعني النسخه الثانيه وانتظروا كلامي شعراء شباب اقوياء في النقض والفتل نجميين متالقين هنيا لعتيبه بالعضياني وهنيا لقحطان بابن شتوي واتمني ان تجمعهم القرعه مع بعض اذا الله وفقهم بالتاهل لقائمه الـ 48 هنا نقض وفتل قوي ومدفون وكم اتمني من اخواني في هذا المنتدي تحليل هالمحاوره لنستفيد جميعا علي العضياني كاس آسيا العام ما جابه فريـق الهـلال صحيح و اللي يعزّ النفـس مـا هانهـا حسـيـن بــن شـتـوي الحبـابـي والنصرفاز بلقب غالي واقـام احتفـال والقادسيـه تـمـوت وتكثراحزانـهـا