انا لاشفت الجذع فالقسم موجود =اقول ماغابت انجوم الجزيره
عسا عيون الحسد يرّعابها الدود= السابقه ماتقارن فالاخيره

وأنا ليا شفت نسل الشيخ صاهود=ما كن قدمي من الشعار غيره
ترا الحسد يا ولد ما هو بمحمود=وراعيه ما همنا شره وخيره

ماقفك مشهود والتاريخ مشهود = لايخلفك راعي الكف القصيره
الارض ماخلّيت امن النقص والزود = كلن ورا غايته يشعب بعيره

ترا علوم الضعيف اسهود وامهود=ما يلحق القوم رمي بلا ذخيره
هذا كما الزير يوم يطق بالعود=وأنا أعرف اللي وراه يطق زيره

عزالله انه ماحصّل فالخبر فود = اهل الشرف والنقا حاسو مريره
العود ماتلحقه شكه ومنقود = مثل الذهب ينصرف في كل ديره

أهل الوفا ما تصدق كل نمرود=معربين المذاهب والسريره
والله ما الومه ولو يعود ويعود=دارت عليه الرحاه المستديره

الحق بيّن بدون اثبات واشهود=يقوله المصطفي وابو هريره
ان عاد ماله ورا المعّواد مردود =الناس تنّظرّه فالعين الصغيره