أنــــا لامنــــي نويت المطاريـــش ,,, للشـــأعر سهـــل الكســـر المرشدي
 

أنــــــا لامنـــي نويـــــت المطــاريــــــش ... حطيـــت فـوق الجيـب عزبـة دلالـي

ونحّرتـــه لجـــرد السهــال المواحيــــش ... أمـــا مــزعتــه شــرق وإلا شمـالي

أمــــا خويـــن من رجــــال مـداغيـــــش ... وإلا عطيــت ابــه المهـــامل لحالـي

عــــوق الهمـــوم اللي تـوارد قناطيـش ... سـوق القدم مع جرهدي السهالـي

أبعــــد جنـــابـي عن جنــاب الأكاديـش ... اللــــي يغثــــون الرفيـــق الموالــي

قـــرب العفـون يطيّـش البـال ويطيـــش ... وإلا مـــع الخليــــان يـرتـــاح بالـــي

لا جيــت في نـزون شمعهـا مهاييـــش ... وشبيــت نـاري فــي طويل الظلالي

و جــال الهبـايب فوق راسي نشانيـش ... يجـــي لهـا من كـل فـج أجتــــوالي

ما أغبط هل الاموال والقـرش والعيــش ... دنيـــــن تـواليـها الفنـــــا والـزوالـــي

الراس خلـــه مرتفــع وانهــض الريـــش ... واحرص على الطيب على كل حالي

والرزق من منشي السحاب المراهيش ... الــرازق الـــوالي عـزيــز الجــلالـــي

حتى ايش يابعض الرياجيل حتى ايـش ... لــو ان عنــده مـــال .. مالــه ومالـي

ناســن علـى حفظ الـدراهم كماميـش ... مـن حبــها مايفـــرطـــون الريــالـــي

وإن صار في الدنيـا محـوش وتماحيــش ... تخريـطـــو عــن ملـزمـات الرجــالـي

صح لسانك
عز الله انك صدقت وهذا اللي صاير في وقتنا

صح لسان ابو نواف

ولاهنت على النقل

صح الله بدنك

وشاكر لك مرورك

صح الله بدنك

وبيض الله وجهك

صح الله بدنك

ولا هنت يااخوي

الله لا يهينك

وصح الله بدنك

شاكر لك مرورك اخوي محمد

ابن حشيان الله لا يهينك


على هذه الرائعه للشاعر الكبير / سهل المرشدي


وياليت تبحث لنا على قصيده على نفس القافيه للشاعر / سهل


يقول :

ويقول