يا مل قلب ٍ طواه البعد يا مله = ليا هود الليل جاه افكار منهاله
جاه الغضي داعج الاعيان واحتله = بسلاح فتاك دك القلب ما اقواله
نارالهوى تشتعل فالقلب وتعله = راع الهوى يشتكي والهم مشتاله
والعين ما تقبل المهجاع وتمله = ليل المولع طويل وحالته حاله
فرقاء المحبين سم العمر ويسله = ياهني من كان قلبه سالي ٍ داله
وانا تولعت باللي شاقني دله = حالي من العام ياعزاه يرثاله
ما عاد اميز وكن القلب في مله = مدري علامه تغيب واش تهياله
تل المعاليق والافكار منشله = وانا اتحرى ولا عينت مرساله
عيني قزت ياربيع القلب ياظله = يا منوة القلب يكفي كل ماجاله
باب المواصل تجمل طالبك حله = لنكان عندك من الحيلات تحتاله

المشاركة الأصلية كتبت بواسطة عناد الشيباني (المشاركة 1130740) الله الله .. .. صح السااااانك راائع بكل المقاييس لاهنت

المشاركة الأصلية كتبت بواسطة بوسعد2010 (المشاركة 1130890) ياجعيد صح لسانك شكرا على ماتقدم

المشاركة الأصلية كتبت بواسطة ابو فايح (المشاركة 1131383) صح لسانك يا ابو ثواب