بسم الله الرحمن الرحيم

أسعد الله جميع أوقاتكم بالخير والمسرّات

الأسبوع الماضي أرسل الأخ العزيز الشاعر طلال ناشي قصيدة
بعنوان : كـــان ســـميتوآ رغــــــد يافــــهد علــــى رغــــــد
للمشاهدة الموضوع إضغط هنــــــــــــــــــــا
والقصيدة هذا نصّهــــا:

كان سميتوا رغد يافهد على رغد = بشروها بربع اطقوم وانا عمها
بشروها بالذهب والهماليل الجدد = واربع الافٍ تسلم لبوها ومها
بنت من يثنون لا ثار دخان الثمد = والجنايز طرح والروس يطبخ دمها
في نهارٍ فيه راع العصا يرجع ولد = ينطل الحاجون والمارتين يخمها
والله ليبطون والرمي يبطي ماركد = لين ظافيت الخراطيم تارد جمها
العوازم كلهم شر وجهاد وجهد = عزوة ماقد سمعت الصدوق يذمها
عزوة ياسعد من جوه فالماقف سند = ومن نطحهم يبطي العافيه ماشمها
والرفيق أليا نخاهم لك الله ماقعد = أنشد اللي قد سقته الليالي سمها
ثم نخى حبيب وقال ابشر ابشر بالسعد = والله انها تم لن كان ربي تمها
ثم تمت بمر الايلاه حلال العقد = واحد يعلم نوايا القلوب وهمها
لنَها على آسم من جابها الله يافهد = ثم جات وحطت احلآ البنات بكمها
لو تسموى في رغد ماتجي مثل رغد = ان بغيت تغير الاسم ولا سمها

ياطلال إعداد برق السحايب والرعد=مرحبا بك مرحبا والرجال اعمّها
مرحبا بك عد ما هل ودّان وبرد=لين حدّ السيل روس الهضاب يطمّها
يوم ابن ناشي سمع صوت داعي ما رقد=ماعلى مثله صعيبات ينقل همّها
من ثلاث ايام والقرم يجمع بالعدد= في صناديق الذهب والفلوس يلمّها
عزّك الله ياطلال وعسى عمرك مدد=زادك الله خير ..والعافية يتمّها
ما غفل عن واجبه وأختبى عنه وبرد=والدّواب أشرها فالكتاب أصمّها
الفخر في من سواتك يصونون العهد=عز ربعه والعداء منه زايد غمّها
من ذوي عالي على أخصامهم شرّ ونكد=عزوةٍ من حافه الخوف يزبن يمّها
من شيوخٍ خصمهم في شجاعتهم شهد=في نهار الكون قدم الصفوف تيمّها
مجدهم ماروث ما يمّحِي لين الابد=يعجز كتاب التواريخ كيف يضمّها
وكان جاء قرار نقلك تبوك أقصى بلد=إنص ابو فيصل فعول الكرام يصمّها
ابحث عن اهل الوفاء والردي ماينقصد=الردي له ميسمٍ فالمليلة حمّها
الردي لو تمدحه جعل راسه للحد= ما كبر راس الردي لو كبر معمّها
فالختام الله يصلح لنا ولكم بعد=من ضمير الصدق والمسلمين اعمّها

المشاركة الأصلية كتبت بواسطة مشاري الكرشمي (المشاركة 1130629) والله ونعم يالعوازم وصح لسان بن ناشي وصح لسانك يافهد ولله دركما

المشاركة الأصلية كتبت بواسطة عبد الكريم العازمي (المشاركة 1130655) ابو سيف صح اللسانك ملايين وجعلك سالم رد مشرف ولا حولك قصور وكفيت ووفيت يا ابن العم وطلال يستاهل المدح هو وربعه بيض الله وجهك ولاهنت وفالك البيرق يا ابو سيف ولا يلحق ابن عالي قصور كفا ووفاء والله يبيض وجه تقبلو تحيـآتي الجمّ

المشاركة الأصلية كتبت بواسطة فهد الزهراني (المشاركة 1130705) صح لسانك مليون ياسمي وصح لسان الغالي طلال وانت ماقصرت ابدعت في الرد ويستاهل المدح وكلكم من عزوة كفو كاسبين المدح والناموس من قدم تقبلوا تحياتي والله يصلح لنا ولكم الذريه ويجعلهم مباركين اخوكم

المشاركة الأصلية كتبت بواسطة وصل الشهيب (المشاركة 1130723) الأخ الشاعر فهد العازمي صدا جميل لصوت طلال ناشي صح لسانك ولسانه وتستاهل رغد الهدايا والقصيد ولعلمك أنت وطلال .ترونكم مسبوقين على إسم رغد عندنا رغد ولا كل الرغودات الله يحفظ لنا ولكم تحياتي