محاوره ناريه بين العمالقه شاعر خنذف محمد السناني و العملاق مستور العصيمي .. صراحه الطاروق ما يحتاح له مقدمات .. لأن هو بحاله مقدمه .. و يوضح قوة الاثنين ..!!

هذا الطاروق بين أيديكم ..!!




مستور العصيمي
وش علمكم يا جهينه راعية الحفل السوات الحراج ... عيب(ن) عليكم ليا كانت محافلكم هذا لونها
نشبت لي نشبت(ن) ما مثلها يالله عليك الخراج ... منين ابا ادور الصفين و الجمهور من دونها


محمد السناني
الحفل محضور يا مستور من كل الديار و الفجاج ... و حنا ليا إنا وقفنا كان وقفتنا تخبرونها
انشهد إنا نخبرك يا العصيمي ما تحب العواج ... لكن كلمتك هذي يا العصيمي وين قانونها


مستور العصيمي
اهرج معي يا محمد ربع ساعه ثم فل الحجاج ... و الرجل يا صاحبي فالدرب درجها على هونها
واللي حداه الضما و القيض يشرب من قراح وهماج ... و العاقل اللي يركب كل جمره فوق غليونها


محمد السناني
بهرج معاك و اطلب الله ما يكوّن فالعقول ارتجاج ... و انا ليا اني بغيت الاوله ما طحت من دونها
مشربونا من قراح العد و اللي ماج يا ذيب ماج ... و اللي تعقدونها تلقا رجاجيل(ن) يحلونها


مستور العصيمي
بعض العجايب مصايب ما نفع فيها الدوا و العلاج ... العيب فأم القرون اللي تهز الضلع بقرونها
الله يخليك للجهنان تومص مثل نور السراج ... و انا ابا احفظ الامانه لين ارجعها لمأمونها


محمد السناني
صبرك شويه و بعد الضيق يا مستور فيه انفراج ... و العيب بأهل المتون اللي نخز السيف بمتونها
من ينقل السيف يا مستور ما يرجع على عود عاج ... وانا راعي السيف الاول و الامانه صونها صونها

مستور العصيمي
.............. ولا نقدم رجال احتجاج ... ترا العرب ما تغير رايها و تغير ظنونها