كان سميتوا رغد يافهد على رغد = بشروها بربع اطقوم وانا عمها
بشروها بالذهب والهماليل الجدد = واربع الافٍ تسلم لبوها ومها
بنت من يثنون لا ثار دخان الثمد = والجنايز طرح والروس يطبخ دمها
في نهارٍ فيه راع العصا يرجع ولد = ينطل الحاجون والمارتين يخمها
والله ليبطون والرمي يبطي ماركد = لين ظافيت الخراطيم تارد جمها
العوازم كلهم شر وجهاد وجهد = عزوة ماقد سمعت الصدوق يذمها
عزوة ياسعد من جوه فالماقف سند = ومن نطحهم يبطي العافيه ماشمها
والرفيق أليا نخاهم لك الله ماقعد = أنشد اللي قد سقته الليالي سمها
ثم نخى حبيب وقال ابشر ابشر بالسعد = والله انها تم لن كان ربي تمها
ثم تمت بمر الايلاه حلال العقد = واحد يعلم نوايا القلوب وهمها
لنَها على آسم من جابها الله يافهد = ثم جات وحطت احلآ البنات بكمها
لو تسموى في رغد ماتجي مثل رغد = ان بغيت تغير الاسم ولا سمها

المشاركة الأصلية كتبت بواسطة فهد علي العازمي (المشاركة 1127781) يا سلاااااااااااااااااااااااام صح لساااااااانك ملايين ولا يسدوووووووووون وبيض الله وجهك ولاهو غريب منك العلم الطيب وانتظر ردّي قريبا إن شـــــاء الله

المشاركة الأصلية كتبت بواسطة عبد الكريم العازمي (المشاركة 1127788) الله واكبر صح اللسانك يالعالي حتى الرِظى وبعد الرِظى وحين الرِظى وكفوك الطيب ولا عليكم زود والله يخليها ذخر لبو سيف وانت الله يجمعك بمن تُريد وسلامي يسبق آختــآمي