الايالله يارافـع سماواتـك بـدون عمـاد=لك تذل العبـاد لعزتـك ركـع وسجـادي
عليم ومحصين كل العباد وسيـد الاسيـاد=حليم بغفلت عبادك كريم وذكـرك البـادي
لك التمجيد والتوحيـد والتكبيـر والافـراد=عزيز حماك من ينصاك ماينـذل ويبـادي
بديع الصنـع ياخـلاق يـارزاق ياجـــــــواد=رحيم ورحمتـك للعبـد تكـرر وتنعـادي
خلقت اكوان يارحمان وبدبرتك لـك تنقـاد=عظيم الشان يامنان جودك فوق الاجـوادي
آله الملك وانت الملك فوق الروس والرواد=فرضت حدود يالمعبود خلقك تحتك عبـادي
حكيم وحكمتك فينا تزيـل الهـم والانكـاد=ولايشكر على مكروه غيرك وانته الهـادي
تغيث قلوبنا بأيمان صادق باليقيـن يـزاد=وتغيث ديارنا بأمطار خير وخيرك يـزادي
قرب وسم الحياء يالله بالبـارق وبالرعـاد=ومزنن سيله يعم الوطـا ويسيـل الـوادي
ليا اقبل وارتخى وارزم وعرضه كمل الابعاد=يهل الماء على الاجراد لين يعل الاجـرادي
يغيث اوطان وانسان وبهايم مالهـا عـداد=وشوف الخير ياوال الخلايق غاية مـرادي