يامعدّي المرقاب عدّ المراقيب=مادامت العليا هواك وهوايه!!
ميعادي وميعادك بمرقب الذيب=ومادمت قبلي ماتلفت ورايه!!
أنت الخوي اللّي على العزّ والطيب=ياليت مثلك لو ربع خويايه!!
ماهو بنقص..وقصرةً فالأصاحيب=لكن وين اللّي سواة المرايه؟!
ايعد مابك من جميع العذاريب=مايتركك بين العذاريب تايه!!
ويحْدَاك عن سكَّة هل الشك والرَّيب=حتى تعوّد عن طريق الغوايه!!
ياطوال الأيدي/ياطوال الأشانيب=الطول والله//طالة ً فالهدايه!!
ولو تؤخذ الجنّه برؤس المشاعيب=كان أصبحت لأبو جهل فالبدايه!!
يارب عفوك/وأعفْ ياعالم الغيب=عفوك وغفرانك مناي ورجايه!!
وأنا بنادم وأخطي أحيان وأصيب=وأعرف صوابي//وأعترف في خطايه!!
شاعر ولا يصرا قصيدي من العيب=وذنوبي أكبر من ضلاعين سايه!!
ياما وصفت من البنات الرعابيب=وياما نسجت من الحقيقه روايه!!
مليت مُخّي من قصيد اللّواعيب=وقصايدي وصلت ثلاثين مايه!!
ياليتني يوم القوافي مهاذيب=ما أقول بيت / ألاّ وأغيّب لي آيه!!
يمدي حفظت كتاب ربّي بترتيب=لكن ما واحد عطاني وصايه!!
واليوم أوصّيكم بحفظ المواجيب=وعلى العلوم الغانمه يازملايه!!
والخاتمه مابه عن القبر تجّنيب=ويالله بحسن الخاتمه فالنهايه!!

:

:

:

:

:

عيضه بن معيوض

ياسلام ياسلام حكمه جزله وتوعيه شرعيه



!!

ياسلام عليك جميل جداً عندما أيقنت أن وصف النساء القصائد عي ل محرمه شرعاً ووصفك لكثرة ماكتبت من قصائد غير مسبوق عليه والجميل جداً التمني عد التحسف وطل التوبه من الله المذكور لاكن عجز البيت الأخير من الأيات التي ذكرتها أنا ماخدمت البيتين هذه من وجهة نظري المتواضعه وإحتمال أكون مخطىء

صح الله لاسنك أخوي عيضه شاعر معروف تمثل وتجمل