قصيدة السميري في الشيخ/بدر بن نايف الضيط
 

بسم الله الرحمن الرحيم
هذه القصيده للشاعر الكبير/صنيتان بن فلاح السميري مهداه للشيخ /بدر بن نايف الضيط شيخ شمل قبايل المزاحمه من الروقه من عتيبه
ابتدي باســـــم ربن ماســـواه امـــعبود@@@واحــــــــدا مايخــــيب دعوة اللي دعـــــــاه
وبعـــــــد ذكره مجال الشعر جاله وجود@@@استهاض الضـــــــــــــمير وقام يبدي خفاه
وقمـت اعــد المثايل مـثل عــــــد النقود@@@كل بيتن يطـــــــاوعني ليا جيت ابـــــــــــاه
اتنــومـس ليــا منــــــي بــذلت الجــهود@@@وافتـــــــــخر واتشــــــرف والقــناعه غناه
امــدح اللي بحر طيبه تعــــــدى الـحدود@@@حضرة الضـــــــيط زبن اللي نصـاه ونخاه
مزبن اللي من اضروف الزمان امحدود@@@كل من حــــدته بقـــــــــعاء يجي في ذراه
شيخ اسمه يكفي عن فعولـــــــــه وزود@@@هيبته ثقل ضلـــــــــــعان الهدى والسراه
منبع المجد مجدن مايبــــــــــــاله شهود@@@وارثـــــــــــــــه مادفع فيه الفلوس وشراه
سالكن درب جـــــــدانه ويـــــــرقا سنود@@@المراجل نطـــــــــــــــــحها ماعطاها قفاه
احتزم دونها ماجت ســـــهودن مـــــــهود@@@حافها لين صـــــــــــــارت تحت فية عصاه
الصخا والــــــكرم تشهد علاه النــــــــفود@@@يوم ســــــــــــــرحان رحبه وذكى عشاه
اكرم الذيب وامرح بين شـــــــاه وقــــعود@@@منهو اللـــــــي مثل فعله فعل هالسواه
جود ماهوب جوده نقص ماهوب جـــــــود@@@انت يابــــــــــدربدرن صاطعن في سماه
اعتبر نــــــــجد خيمه واعتبرك الـــــــعمود@@@صيتـــــــــك اللي رفع نجد ورفع مستواه
ياحفيد الــــــــشيوخ امعـــــــربين الجدود@@@الحــــــــــــرار الزحول الصارمين الدهاه
فزعة الخيل لهاب الردي والشـــــــــــرود@@@امتعبين المــــــــــــهار امطوعين العصاه
اهل شـــــــلفن مضاربها تفت الكـــــــبود@@@واهل سيفن يحذف الروس حذفة حصاه
يوم وقت الــــــزحام ويوم قدح الـــــــزنود@@@لاعتزى شـــــــــــيخ قومن ضيقوها علاه
كم صباحن غزوبه فوق جال العــــــــــدود@@@غاطن العج شمسه بعد ماضحى ضـحاه
وكم هجادن عواصيفه تصح الرقــــــــــود@@@اقتبس بالعـــــــــــزاوي واستدارت رحاه
يوم راع الشـــــــجاعه عن رفــــــيقه يذود@@@ويوم راع الــــــرديه مايعــــــــــاين وراه
عـــــزوة كل ماذعذع على نــــــــــــجد نود@@@سلوا الســــــــيف عمهوج وتحقق مناه
الظما مالحق عمـــــــــــــهوج واف الوعود@@@يشــــــرب الدم الاحمر لين يقطع ظماه
خلوا السود بيض وخلوا البـــــــــيض سود@@@ماحدتهم صواديف الـــــــــزمن والحياه
مجدهم محرقن كبد العدو والحــــــــــسود@@@ومن يحاول يحـــــــصره ماوصل منتهاه
وقبل اختم القصـــــــــيده لازم ارجع واعود@@@لجل اكرر واعيد اللـــــــي عليه الوصاه
اعتبر نجـــــــدخيمه واعتبرك العمـــــــــود@@@صيتك اللي رفع نجـــــــد ورفع مستواه



( والمعذره على الاخطاء الاملائيه)[/size]

اعتبر نــــــــجد خيمه واعتبرك الـــــــعمود@@@صيتـــــــــك اللي رفع نجد ورفع مستواه


بيت فاخر جدا .. ينطبق على الشيخ / الضيط


صح لسااان السميري على القصيده الوافيه ..

يستاهل ابو بندر راعي عمهوج

شيخ مزحم سليل المجد والشيخه

رمز من رموز عتيبه الكبار الذي يفخر به كل عتيبي
في اي مكان وزمان




http://www.up-king.com/almaciat/r0gz...cnn1uk6cdn.jpg


صح لسان الشاعر صنيتان السميري
ومشكور ياسفير الصدق على جلب هذه التحفه

صح لسان السميري ولاهنت على النقل

والشيخ بدر الضيط يستاهل المدح شيخ بن شيخ من سلالة شيوخ

ودي اقتبس كل الابيات ولكن الاخوان سبقوني عليها




شيخ اسمه يكفي عـن فعولـه وزود = هيبته ثقل ضلعـان الهـدى والسـراه

صدقت في علم عتيبه وأسد عتيبه



الظما مالحق عمهـوج واف الوعـود = يشرب الدم الاحمر لين يقطـع ظمـاه

بيت جزل في تاريخ عريق


مجدهم محرقن كبد العـدو والحسـود = ومن يحاول يحصره ماوصل منتهـاه

البيت هذا عن قصيده كاآآآمه .