مرحبا مثل الخيال اللـي سبـق نـوه رعـوده=لا استهلت مزنته تـروي الديـار المسنياتـي
وعد ما أستقبل وطنـا هاليالـي مـن وفـوده=من حجيج البيت من فوق السفن والطايراتـي
مرحبا بعبد العزيـز الفيصلـي طابـة جهـوده=دايـم اجهـوده تعـود بالنـجـاح مكلـلاتـي
لـن مايخفـاك شيـاً فالنظـام وفـي بنـوده=وأنتم اهل الحق يا آل سعود وأهل المكرماتـي
جيتك تنهـي معانـاتن مـن الوقـت وضهـوده=والحقيقـه بينـه مثـل النجـوم الصاطعاتـي
كل من عارض بعدها ماتعـدى عـن حـدوده=الديـار أكبـر معالمهـا الجبـال الراسيـاتـي
ياطويل العمر حل الوضع وأنهه فـي مهـوده=أنـت حـلال المشاكـل والأمـور الكايداتـي
كل من يسعى لحـل المشكلـه يبشـر بـزوده=وسجلت في صفحته ياسيدي عشـر احسناتـي
والله يضاعف أمور الخير من فضلـه وجـوده=العشـر محسوبتـن يـوم التلاقـي بالمياتـي
وأنت ذخر الي حكم بالعدل مـا لانـت زنـوده=وحد بلاده على ظهـور النضـاء والصافناتـي
الإمام الفيصلي ماشـن علـى منهـج جـدوده=ناصر أهل الدين وبسيفه قطع روس الطغاتـي
ثم صار بلادنـا واحـات وأمـن الله يسـوده=ثـم زاد النـور نـور وطـورت بالمنجزاتـي
وعاش أبو متعب ملكنا وعاشوا إخوانه عضوده=أهل العوجـاء سندنـا بالأمـور المعضلاتـي
ويالله الي يدعي إلك العبد دايـم فـي سجـوده=رد أبو خالـد وسلمـان الوفـاء والمعطياتـي
وعد ماهبت شمـال وذعـذع الغربـي بنـوده=اذكروا خيـر البريـه ثـم صلـوا بالصلاتـي

المشاركة الأصلية كتبت بواسطة خـ الهيلا ـالد (المشاركة 1120882) صح لسانك قصيدة جزلة

المشاركة الأصلية كتبت بواسطة فهد رشيد الزلامي (المشاركة 1121101) صـــــــــــــــــــــــــــــح لـــــســـــانك يستاهل الممدوح وبيض الله وجهك