ياسلامي لرجال العوارف كل حين=ياعبيدالله رجال(ن) محب افراقهـا
ياهذيلي وشبقي مـن علـوم الأوليـن=باق(ن) شجرة وحيدة تحت اوراقهـا

مرحبا ترحيب وافي بمن مد اليمين =شع نوره كنه الشمس في مشراقها
ويش اقلك يافهد وانت رجالا فطين=عرقهافي الارض ثابت ولين ساقها

البقـا ياللـي ترحـب علـى منهـج و ديـن=عـدّ مـن يسبـح بـحـور الشـعـر و أعماقـهـا
ودنا ناكل مع أهل الوفا سمن و سمين=ميـر بعـض النـاس قامـت تـدس أرزاقهـا

ياخذ الطيب نصيبه في صف الطيبين=وانت لاتنظر خيام العرب وارواقها
الحسد لم يخلق الا مع ابليس اللعين=والقلوب السود شيطانها مستاقها

الليـالـي شيبتـنـا عـلـى زيــن(ن) و شـيــن=وايـش اسـوي فالبـدو لـو تطـش أطباقهـا
الحسـد صفـة ذميـمـة يــا سـيـد العارفـيـن=وايش اسوي في كبود(ن) يزيد احراقها

انت لا تبني على الشك وتكب اليقين=باينه سحابة الصيف من براقها
مير قل لي ويش حصلت من غبر السنين=ويش اخذت من المدن يوم جيت اسواقها

ما دخلني شك لا من يسار و من يمين=فـرق بيـن النـاس فـي قولهـا و أذواقـهـا
كاسبين المرجلـة مسلـم مـع المسلميـن=يوم رووس القوم تخضع تحـت حلاقهـا

ياعلاقة حب بين المحقق والسجين=شفت بعض الحب للناس قص اعناقها
والله اني شفت قفزتك ياليث العرين=واحسب الاحداث في جلها وادقاقها

قالوا أهل العرف تكرم مدينة لاجل عين = تخطي العربان يغفر لها خلاّقها
بانيـ(ن) ساس المعرفة على حرز مكين = و اركب الخيل الأصيله نهار سباقها

يابدو لاتخلطون الهدير مع الحنين=خلوا البدوان تحلب حليب انياقها
خل عنق الريم يرعى رياض العاشقين=والامم مابقيت الا بحسن اخلاقها

بعد مادارت رحاها غدى حبه طحين = بان كذاب البشر عندنا و صداقها
صادق إن الريم تفتن رجالـ(ن) واردين = شوق من شاف البنادق على معلاقها

انا راكب لي شبح وانت راكب لوموزين=مامعك حق المصاريف ياسواقها
قام شد الحبل بين النحيف والمتين=والسفينه في البحر تو حان اغراقها

الشبح طيب و أنا موتري من عند زين = و الرصيد يزيد و الناس كيف أشواقها
بعد ما غبتوا عن الساحة و جيتوا منين = تحسب إنك فارس القوم يا بواقها

فيك مشي الذيب والطبع طبع ابو الحصين=بعد شفت اطيور شلوى وشفت اخناقها
النفيعي فك بابه يدور لأكسجين=لين خلى كل عذرى تطش انطاقها

والله إني ما غدى لي مع العربان دين = كم و كم من لحية(ن) فالحروب استاقها
ابتدينا و نتهينا على قافـ(ن) ثمين = الورورد الطيبة سايقيـ(ن) أطواقها