حنا تعودنـا نجامـل علـى حسـاب =عقولـنـا ، وقلوبـنـا ، والسنتـنـا
اغراب صوت وقولنـا مالـه اعـراب =نزعـل وإذا جينـا انتكلـم / سكتنـا
حنا اولي قوة واولي بـاس ، والبـاب =ومـن طيبنـا نحفـر وندفـن تحتنـا
بيـن التكاثـر والتفاخـر بالانـسـاب =النـاس راحـت للقـمـر واتركتـنـا
اذا ضربنـا غيرنـا ، نضـرب البـاب =ماهـوب قـل ، الا ضيـاع بركتـنـا
لو ، كـان فـالامـه ثلاثيـن خطـاب =جينـا امـم فـغيـاب خطـاب جتنـا
مال الاسد غابه ومـال الاسـد نـاب=والارض شبعـت منـنـا وارتوتـنـا
تبنى دول وتطيح من فعـل الاحـزاب=ونـشـوف طيحتـهـا ولاعلمتـنـا
مع شين واقعنا نوقف علـى اعتـاب =اعـوام ،مـر ايـام منهـا وكوتـنـا
حنا من التاريخ فـي صفحـة كتـاب =اذا خذلـنـا سنيـنـا ، شققـتـنـا
الاندلـس راحـت وجبنالهـا اسبـاب=وهالحين نفـس اسبابهـا حاصرتنـا
مابين فرس وروم ،واصحاب واغراب =جتنـا مـن الذلـه خيـول ووطتنـا
مدري متى نصحى ونقدر على إرهاب =عدوانـنـا بجيوشـنـا واسلحتـنـا
الارض ماهي : مدن ، وحدود ، وتراب =والارض ماهـي :دورنـا وابنيتـنـا
الارض عرض ،وشبر منها إذا غـاب =يعنـي خلـل فينـا وفـي مرجلتـنـا

المشاركة الأصلية كتبت بواسطة محمد العتيبي (المشاركة 1120558) محمدبن روق صح الله لسااانك على هذه الرائعه .. امتعتني بقرائتها .. تحيتي ..

المشاركة الأصلية كتبت بواسطة أخو جوزا (المشاركة 1121149) صـــــــــــــــــــــــــــــــــــــــــــح لســــــــانك

المشاركة الأصلية كتبت بواسطة سلطان طلحة (المشاركة 1121171) صح لسااااااااانك سلمت يمناك

المشاركة الأصلية كتبت بواسطة معجب العتيبي (المشاركة 1121180) شكرا على النقل يامحمد وابن حرباش شاعر جزل واللي مايقراله غلطان شاعر كلمه ومعنى وسلاسة ابيات صح لسانه وشكرا لك وله على الدره