سلام الله عليكم الرجال اللي لهم تقدير = ومن يبغى يدش الملعبه فالعب مجاني
لو انا نسمع اهل الغش واهل الكذب والتزوير = يضيع الدين واهل الدين ماسموا بالخواني

هلا يامرحبا ترحيبة توفي بكل صغير=تعم مطير من حرة مطير لساحل عماني
كلام مايسرك لاتسمع فيه يابن مطير=وحنا مانجيب الا هروج صدق وسماني

ما نصغر لو تصغرنا ترانا مثل ضلع النير = ولا عدك من القصى ولا عدك من الداني
ياساهر مانلومك لو تخالف عاكسن السير = على شان الغلط ماعد يرجع فيه غلطاني

لاوالله مانصغركم ياترثة مشبعين الطير=ياحمران النواظر مرحبا ياطوال الايماني
انا عبرتلك وانته قريت وخانك التعبير=لكن الشك ماله في بلاد العز مسكاني

لا والله ماعليكم زود ياهل الخير فيكم خير = يادوم الك البقى والعمر لو طال الزمن فاني
انا ماقول فيك اقصور لا مابك ولا تقصير = لاكن وين الاول لا تحط الاول الثاني