قصيده اتمناء ان تنال اعجابكـــــم


مات الضمير

مات الضمــير الحي في واقع النـــاس *** ومن موته ماتـــــت اعـلــوم مهمــه
يحزن عليها طيــــب الراس والســاس *** اللي معـــرب راســي خالــه وعمـــه
دنيا تخلــي صاحب الفكــــر ينحـــــاس ***تنقضي عهــود أوعــــدها ما تتمـــه
تجرح شعور اللي له اشعور وحسـاس ***وعنده يزيد الضغــط ويفــــــور دمه
في بنكها تـــودع احسابك الإفـــــــلاس ***تقهـــر طموحــك لين حــالك تسمــه
وراع السطر تحمس ضميره بمحمـاس *** وفي كل يــوم توجــــه الغــزو يمــه
دنيا علينا نابها يضـــرس أضـــــــراس *** عوجـــا أتبيد حبــــل من فيــه همــه
ياما فقدتنا سلــــوم طاله أونومــــــاس ***وخلى عياهــا جروحــــنا مستشمــه
الاوله غيرة هل الجــــوخ والطــــــاس *** اللي لهم شيمـــه ومذهـــب اوذمـــه
أهل الشجاعــــة متعبة كل عرمـــــاس*** اللي هدفهــــا لا زمـــت ما تزمـــــه
جا بعدهم ذلان وارخــــوم وخســـــاس *** والفـــرق شاسع بين طيــٌب وخمـه
والثانيه هقــوت هل العــــزم والبـــاس *** اللي منازلهــــم على راس قمــــــه
جا بعدهم قـــوم رضت طمنة الــــراس *** عاشوا على مكـــــر وهياسه وثمـه
والثالثه للصــــــدق قيمــه ونبـــــراس *** عند الرجــــال معوصبين الاعمــــه
صار العوض فيهم امنافق او هــــلاس *** طيبك ومدحــك عنده اكبــر امطمـه
والرابعه وصـــــل بلا حــد وقيـــــــاس *** غير الموالي جرح الأقصى يضمـه
جا بعدهم شرذمة ارخـــوم وانجـــــاس ***قطاع فالارحـــــام وابــوه وامـــــه
وقدرالقــــــرابه بينهم صــار ينــــداس *** طغى عليه الحقــــد والكــــره دمــه
والخامسه من بعــدهم خيم اليــــــــاس *** اللي شتات الشمـــــل دايم تلمــــــه
كبار الهقـــــاوي لانثنى كل هســـــاس *** تفتل زمام العلـــــم ماهــــي تخمــه
صار العــوض فيهم سقيطه اويــــلاس ***قـــوم مماشيهــــا على غير يمــــه
ولا قول يوجــد عيب في كل الأجنــاس ***وواف الخصايــل كلمتـي ما تعمــه
اقصــد بها خبل لبس ثوب الادنـــــاس *** قلبه كبيــــر وراس خشمه يزمــــه
غره ابليـــس وزاد نقصه تغطـــــراس *** وانا قصيــــر الباع ما لـــــد يمــــه
ولال الردي في مجلس الطيب مجلاس ***علم قصــــــر دونه وعلـــم يزمــه
لعــل راع الكبر قطــــــاع الانفـــــــاس *** لون راع الـزوم ما شلــــت همـــه
واستثني الطيــــــب ولا يلحقه بــــاس *** اللي يشمـــــُر للمواجيــــــب كمــه


الشاعر :غير معروف

الدلبحي


الله يسلمك من الشر
ولاهنت