قصيده مهدآه إلى أخي الشاعر /مهلّي بن عاصي الغنامي..

ودّي بقوم المزاين لجل أغنّي فيها=مير راحوا عند شعّار النبط قدّامي
ما بقي في نجد وبالٍ يسوق نياقه=غير عنده شاعرين/ومنشدٍ /وإعلامي
يمدحون وينشدون ويظبطون الخطّه=والقناه تبث والتّصوير شغله حامي
ياولد قشعان/يافنجال/يابن حجنه=يالطهيمي/ياولد عبّود /يالفصّامي
ابشروا حصّلت منّقيه ماحد يعرفها=في طرف كشب الموالي جنب حيدٍ زامي
وضح يوم تشوفها وأنته عليها مقبل=كن قدامك عماير زيّنت برخامي!!
وكنّ وقفتها جيوب وقوف في تويوتا=ما بعد حطّوا لها اللوحات والأرقامي!!
والرقاب الجرد سبحان الذي سوّاها=كن داخلها مواصير ٍ بدون لحامي
فاهقات ظهروها ومن الشحم مليانه=والغوارب ناسعه والرؤس ما تنظامي
من غلاها مانزلت للماقفه مجلوبه=ولا يمّر ولا يدوّج حولها السوّامي
مقتنيها اللي عليها ما بخل برياله=ولا عليها شح مهما شحّت الأيّامي
وان نشتدوني ياقوم البل عن راعيها=ما ملكها ألاّ مهلّي عاصي الغنّامي

:
:
:
:
:
أخوكم /عيضه الثبيتي

الأخ الشاعر

عيضه الثبيتي

صح لسانك وماشاءالله عليك تعرف توصف الإبل

أما أنا ياخوك ماأعرف أوصف إلا البنات هههههه

اما الإبل كلها بدون إستثناء النظر إليها عباده ( أفلا ينظرون إلى الإبل كيف خلقت)صدق الله العظيم

ومن وجهة نظري الخاصه

الناقه الزينه هي اللي تعطف بالصبوح والغبوق وهو الأهم وأستغرب كيف ناقه قيمتها خمسه مليون

وناقه أخرى قيمتها خمسه ألاف أو أقل

السؤال

هل هناك ناقه بانوراما وناقه كامري

ههههههههههههه

لاتؤاخذوني ياعشاق الإبل .

تحياتي