الهيـــــــــــــلا *** منتدى قبيلة عتيبة - قالو لي اقصد..قلت ماني بقصاد

يا لله يا مرسى البسيطة بالاوتـاد
بصم الجبال اللي طـوال قممهـا
فردا صمد ماله شريـك ولا انـداد
وخلقه رضوا بالقسمةاللي قسمها
يامنجي موسـى ويامهلـك عـاد
ويامخرج العبد التقي من ظلمهـا
تهدي مسيرتنا على درب الارشـاد
يامن خفيـات الامـور اعتلمهـا
قالوا لي اقصد قلت ماني بقصـاد
حتى جيوش النصر يرفع علمهـا
على البلاد اللي غدا شملها ابـداد
اللي لها صدمه بغـدره صدمهـا
اعطوه لين اطغوه بالمال واعتـاد
وقفوا بصفه وقفة مـا احترمهـا
والكلب يافي حين يطعم من الـزاد
وصدام خان بجارتـه واقتحمهـا
اقصد ليا شيخ البلـد للبلـد عـاد
اليا عاد جابر للكويـت وحكمهـا
وجات الذلول اللي بلا نطع وشداد
وزيلة معالم وسمه اللي وسمهـا
تنخى الجزيره كلها شوخ وافـراد
عبر الصحافه ليـن كـلا فهمهـا
تنخى فهد ذخر العروبه والامجـاد
يحلهـا بالسـلـم والاحسمـهـا
ومنلا يدوس الراي ينداس فالمـاد
في قول تركي حكمة من حكمهـا
فهد حكيـم الـراي حـلال عقـاد
له الفخر فالخطه اللـي رسمهـا
مسقي العدا سم الافاعي بالاكبـاد
روس تموت وسمها في جممهـا
درع الجزيره عن عبث كل حسـاد
قائد مسيرتهـا وخـاد م حرمهـا
تنخى لعبـد الله وسلطـان وتنـاد
يجلون عنها ضيم طاغي هضمهـا
تنخى هل الاجرب عريبن الاجـداد
قوم مواثيق الوفى مـن شيمهـا
اهل الجزيرة درعها سقف واعماد
حكامهـا اللـي قيموهـا قيمهـا
عبد العزيز اللي بنا اعـز واشـاد
عبد العزيز اللي بحزمـه حزمهـا
ياما تجرع في بناها مـن انكـاد
واستعصمت به يوم ربي عصمها
شيد مبانيهاعلـى روس الاضـداد
وهد وبنى وعن الضلاله فطمهـا
اخذمن السنـه مناهيـج وامـداد
ونفذ بسيفه ماحكـم بـه قلمهـا
نادا بشرع الله على روس الاشهاد
و جاهد جيوش الشرك حتى هزمها
والحق مايطلب بـلا زنـد وزنـاد
يبـي رجـال عاليـات هممـهـا
والحـق يدونـه شغاميـم الاولاد
وقذايـف مثـل الـزلازل رزمهـا
وتخالف الاسراب مع جـو بغـداد
حتى صنم تكريت يطعـم طعمهـا
ذولـي مصاديـر وذوليـك وراد
ناراً على راسـه تقطـع عسمهـا
يقودها مـن منبـع الجـود قيـاد
احرار نجد اللـي تثبـت سهمهـا
في ساعة يوخذ بها ثـار الاكـراد
اللـي منازلهـم عليهـم هدمهـا
يجزاء بفعله فاعل الخبث ويـزاد
ويلطم بدال عيون نـاس لطمهـا
وين العراق وين شعبه والاحفـاد
نارطفـت ماباقـي الا فحمـهـا
حكم بها حكم الضلالة والاضهـاد
بحجارة الشيطان رجمـا رجمهـا
هذا وصلوا عـد مـا هـل رعـاد
على النبي المصطفى اللي ختمهـا ......
..............
الشاعر نجر نجيخان الحبيل الحمادي