يا سلامي و ابتدا القاف و الليله خميس = عند قومن للوازم تدق اصدورها
فالشرا و البيع نصرف من المال النفيس = و كل ناس تبذل الجهد من مقدورها

المشاركة الأصلية كتبت بواسطة حاكم الغنامي (المشاركة 1119656) الله الله صح لساااااااااااااااااانكــــ وننتظر قبيلك وصح لسانه مقدما

ياهلا يامرحبا عد ماشال التبيس=من عماله وافده خرب الله دورها
لو يقلط صاحبي فول مع حبة تميس=والنوايا طيبه كل يوم ازورها

خالد الليله جلس بين زيد و بين قيس = يوم قصرها و هو ما يعرف اقصورها
لو كلن يلعن ابليس يخز الله بليس = طابت العله ولا كلفت دكتورها

خالد الليله قبيلك ورى هرجك مسيس=جاك مع بابك ولاهو بناقز سورها
اصلح النيه وخلك مع العالم ونيس=والرجاجيل العواريف طاوع شورها

كنت احسب الحظ ماهو ردي ولا نحيس = لين طاحت شجرة التين فوق اطيورها
ما عليك اخلاف لا زلت تلقالك جليس = امش حتى الشمس تطلع عليك بنورها