بعض العـرب صحبتـه صحبـه صناعيــه=رفيق جـلســه وضحـكــة سـن ومقفي
يـرحـب ليا شافني وأنجس من الحيـــه=يضحك و وده يشب النار في كفــــي
مسكين معســر كــلام ونــيـتـه سـيـئـه=وعـن مابدالي لـكـف الرجل وانكفـي
لـكــف رجــلٍ عـن الــزلات محمــيّـه =والكامـــــل الله وانا مـــا أدور و الفي
والـعـوشـزه للنـشــاما مابهـا فيــــــــــه=ولا هيب تــذري لا هب البــرد وتدفي
ومن خلقـة الكون والايام هاذيــــــــــه=عـوينةً للـــزمان الشـيـن لا حفـــــــــي
حمراء وغبراء ومأموره ومنهـــيـه=تزرع وتحصد لا يـبّـس العود وتصفي
وابليس ما مات باقي حي مع زيـّـه=ولولاه نـقع الثرى عن الارض ما جفي
وحزبه من الناس ملعونه وشـــريــــه=من الحســد والفســاد تشـب وتطـفـي
على النمـايم وقـــول وقـيـل مـبـليـــــه=تركض وراء الضايعـه وتـزيد وتوفي
ناسٍ تـبـذ الخـفــــــا والنفــس مأذيه=يا كثــر ما اشـوف وأكثــر منه متخفـي
ورزقـي على الله ولا مع حاسدي شيّـه=وان الله أراد قــام الحــظ فـي صفـــي
مانــي وانا بجـلــوي خـايـع ولا عيــّـه=عمـــري ورايـّه و شف الذيب من شفـي
وقطــع الخـرايم مـع الروحـات والجيّه=يشــبع بهــا فـرخ حــرٍ ساع ما ضفــي

المشاركة الأصلية كتبت بواسطة محمد العتيبي (المشاركة 1118661) صح لسااانك ياجلوي على هذه الرائعه .. تحيتي لك ..

المشاركة الأصلية كتبت بواسطة ابن سرحان الثبيتي (المشاركة 1118692) جلوي صح لساااانك "

المشاركة الأصلية كتبت بواسطة نــايف الــبــرقــــاوي (المشاركة 1120793) بيض الله وجهك وصح لسانك عزالله انك صدقت ياولد عاصم

المشاركة الأصلية كتبت بواسطة سعود العصيمي (المشاركة 1120804) ماني وانا بجلـوي خايـع ولا عيّـه عمري ورايّه و شف الذيب من شفي وقطع الخرايم مع الروحات والجيّـه يشبع بها فرخ حرٍ ساع مـا ضفـي بيض الله وجهك ياجلوي على هذه الدره وصح لساااانك مليووون تقبل مروري وتحيااااااتي