يالهاجري يالسناني يالزلامي رشيد=زيدوا كراسي ثنين وماصةً ثانيه!!
وجيبوا مطّوع/ودكتورًا علاجه مفيد=وتجمّلوا والدواء خلّوه مجانيه!!
واستفزعوا مصلح وملفي وتركي وزيد=والعازمي /وابن ريفه/وابن عتقانيه!!
يعلّمون المجنن بالكلام الأكيد=الشعر ماهوب يادانه /ويادانيه!!
واللّي مايفهم لعلّه عند خضر الجريد=حتى جنوبه تصير أشكال وألوانيه!!
ثلثين من مرّكم مايوثقه كل قيد=والثلث الآخر لهم حجّه وبرهانيه!!
والشاعر المعتبر لو كان وجهه جديد=يسلم لسانه عدد مادارت الثانيه!!
والشاعر اللّي ما عنده غير كثر الهبيد=ما أبتعذّر منه لو كنت غلطانيه!!
ولا تلحقوني ملامه والملامه بعيد=لو ما الحياء ..كان قلت فلان وفلانيه!!
ياللجنة الشعر/جوكم مبتلين القصيد=كلاً معه تسعه وتسعين شيطانيه!!
أغراهم المال والشهرة وحب النشيد=وجاتك على المكرفون/تجر الألحانيه!!
وقوفهم قًدمكم /فعيونهم يوم عيد=واشعارهم دانيه/ووجيهم دانيه!!
من أمس مالي يكود أضحك وصبري شديد=أضحك لو أنّّي من اللّي شفت زعلانيه!!
ماكنّي الاّ متابع مسرحية صعيد=أتضّحك اللّي من الأيام زهقانيه!!
والمشكله لا أقبل الصيف وحصل ما نريد=وتناخوا أعيال بقعاء نخوة أخوانيه!!
وتطامروا فالملاعب طمر.. من كل حيد=لو كان قدم العصيمي وابن جدلانيه!!
وممّا تشوف العيون من الزمان العنيد=أشوف مالا تشوفه بعض الأعيانيه!!
مايندر ألاّ النشاما/والمهبل تزيد=فالعالم الباقيه/والعالم الفانيه!!
ومسابقة (شاعر المعنى) الدليل الأكيد=واللي مكذّب يشوف النسخه الثانيه!!

:
:
:
:
أخوكم/ عيضه الثبيتي
الجمعه21/11/1431هـ

المشاركة الأصلية كتبت بواسطة عيضه الثبيتي (المشاركة 1116382) http://img105.herosh.com/2010/10/29/436399445.png بدون مقدمات... وتواصلاً معكم أيُّها الأحبّه..[/align] يالهاجري يالسناني يالزلامي رشيد=زيدوا كراسي ثنين وماصةً ثانيه!! وجيبوا مطّوع/ودكتورًا علاجه مفيد=وتجمّلوا والدواء خلّوه مجانيه!! واستفزعوا مصلح وملفي وتركي وزيد=والعازمي /وابن ريفه/وابن عتقانيه!! يعلّمون المجنن بالكلام الأكيد=الشعر ماهوب يادانه /ويادانيه!! واللّي مايفهم لعلّه عند خضر الجريد=حتى جنوبه تصير أشكال وألوانيه!! ثلثين من مرّكم مايوثقه كل قيد=والثلث الآخر لهم حجّه وبرهانيه!! والشاعر المعتبر لو كان وجهه جديد=يسلم لسانه عدد مادارت الثانيه!! والشاعر اللّي ما عنده غير كثر الهبيد=ما أبتعذّر منه لو كنت غلطانيه!! ولا تلحقوني ملامه والملامه بعيد=لو ما الحياء ..كان قلت فلان وفلانيه!! ياللجنة الشعر/جوكم مبتلين القصيد=كلاً معه تسعه وتسعين شيطانيه!! أغراهم المال والشهرة وحب النشيد=وجاتك على المكرفون/تجر الألحانيه!! وقوفهم قًدمكم /فعيونهم يوم عيد=واشعارهم دانيه/ووجيهم دانيه!! من أمس مالي يكود أضحك وصبري شديد=أضحك لو أنّّي من اللّي شفت زعلانيه!! ماكنّي الاّ متابع مسرحية صعيد=أتضّحك اللّي من الأيام زهقانيه!! والمشكله لا أقبل الصيف وحصل ما نريد=وتناخوا أعيال بقعاء نخوة أخوانيه!! وتطامروا فالملاعب طمر.. من كل حيد=لو كان قدم العصيمي وابن جدلانيه!! وممّا تشوف العيون من الزمان العنيد=أشوف مالا تشوفه بعض الأعيانيه!! مايندر ألاّ النشاما/والمهبل تزيد=فالعالم الباقيه/والعالم الفانيه!! ومسابقة (شاعر المعنى) الدليل الأكيد=واللي مكذّب يشوف النسخه الثانيه!! : : : : أخوكم/ عيضه الثبيتي الجمعه21/11/1431هـ

الأخ الشاعر

عيضه الثبيتي

هذه برامج ربحيه الله يهديك

اللجنه في كل حلقه تثني على شاعر والهدف التصويت

وبالتالي ترشح من كل قبيله شاعر

والهدف كلاً يصوَت لإبن قبيلته

وأخوان بدوى يجون يتناخون تكفون يالربع تكفون يالربع تكفون يالربع

كل القبائل بدون إستثناء

صوتوا لرفيقكم وإبن عمكم


وكلاً قام يتهبَد وينخى والبعض منهم يستلف ويشتري بطاقات سوا

وجوك أهل الربابه . وأهل الخطوه . وأهل العرضه . وأهل الدحه . كلهم شعراء محاوره


من باب الحميَه والعنصريه القبليه

وصلت العنصريه إلى الدول الخليجيه كل دوله تصوَت لمواطنها مثلما فعلت قطر

فتحت باب التصويت بالمجان للشعب القطري حتى فاز علي المري بالتصويت

يعني هذا ضحك على الدقون

الفايده للقناة وشركة الإتصالات

وأخوان بدوى هم الخاسرين

والشعر الضحيَه

تحياتي