أبا سعود العصيمي من جماعتنا وأحبه موت=ولاتهم الهويه يا كويتيه سعوديه
بعد جاءنا قريب لا ينادينا ويرخي الصوت=يبادلنا السلام ونشرح الخطر برديه

تناديني وجيتك مارلايمكن عليّ تفوت =ولاتهم الهوية ياسعوديه كويتيه!!
ابا اغني معك والعبك الليله كما الريموت= عسى ربي يعينك والعلوم شويه شويه!!

أبا أناديك لاننساك تنسانا نسيك الموت=ولا حنا بثلج يذوب بين الشمس والفيه
على هونك يابو طايل نفوس بعضها مكبوت=تحط يدين دون يدين هاذي دون هاذيه

انا اشوف الكوارث كلبوها في بلد بيروت= واظنه طبع اهل بيروت من عصر الهلاليه؟
يابن خيشوم مادام انت من قوم كبار بخوت = وش ايهمك من علوم ٍ تجي وتروح مثنيه!!

بلد بيروت نصرالله وحزبه في البلد مفلوت=خطير أخطر على السنه من شعوب اليهوديه
تفرج مابقي في أرض الجزيره ينعبد طاغوت=بلدنا أحسن بلد ما فيـه كنتونات حزبيه