أدور سعد لي مدةٍ مالقيته وين = يغيب العصيمي جعله في غيبته خيره
هلا مرحبابه لإن حضر صامل الزندين = يطيب الهجوس ويدلي الدلو من بيره

سعد صامل الزندين حاضر مع الصفين=وهاجسك لامنه حضر دق تحجيره
يدوم البقا والعلم هاته يابو شرين=لك ايام دربيلك معك تسبر الديره

أنا معك كيف ابدى من يسار وألا يمين = مادام إن قدامي ملفٍ وتدويره
أشوف الكوارث كلها فالعراقيين = يصيحون في كركوك وفجيره فجيره

ابا احط راسك تحت سيفي تروح منين=انا عنك ياناصر ابا بس تاشيره
ليا شفتهم عود على ام الدلال الزين=وانا اكفيك كان الحرب دقو على زيره

نصيحه ترد السيف لا حزة الغازين = هجومك دفاشة و أبرة البنج تخديره
أنا ماشكيت الحال ياحالة المسكين = اشاورك واللي يستشيرك كذا شيره