لاياشبيـه الريـح للعـز عـنـوان=وانت الذي عنونـت عـز الكرامـه
لاياشبيـه الريـح للعالـم أوطـان=وأنت الوطن للموج وانتـه حزامـه
خير ان خسرنا يابطل عادي انكـان=مازال في يمنى الزعيـم الزعامـه
كاس أسيا ماهمنـا وأنـت الاثمـان=ياراس مال ومكسب أهـل الشهامـه
أنت البطوله وأنـت للمـوج ربـان=موجن يهد اللـي تشيلـه اعظامـه
عادي خسرنا والخساير والأحـزان=للي مـع العالـم يضيـع أحترامـه
ولاأنت لك منزل ولك بالعرب شان=وبقلوب جمهورك عزيزيـن مقامـه
ياما خسرنا قبلك وضـاع كيسـان=كوره ترى ماهيـب يـوم القيامـه
كاس اسيا متزعميـه لنـا أزمـان=ولازال حنـا معتلـيـن ابسنـامـه
رغم البطا مـازال للمجـد برهـان=ويبقى الاسد ماشـال هـم النعامـه
ويرضى لجل خاطرك مليون زعلان=وتهون لاجل ارضاك كل ابتسامـه
ياامير لاترحـل وللحـرب ميـدان=وان عليك الحيـن أحـذف العمامـه
مانرخصك والي خلق عالـم الشـان=ياهلالنا فـي ليـل عتـم ضلامـه
خمسين درع وكاس بشكال والـوان=وكملت بالخمسيـن رقـم الزعامـه

كاس اسيا متزعميـه لنـا أزمـان=ولازال حنـا معتلـيـن ابسنـامـه
رغم البطا مـازال للمجـد برهـان=ويبقى الاسد ماشـال هـم النعامـه