العصيمي شايفه فالمنتدى موجودي=والعصيمي لا زهمته كش جلده مني
انتبه لي يالعصيمي واسمع المقصودي=لا ألتفت لك لفتت السرحان لا جا الجني

العصيمي تعرفه سيد ماهو مسيودي=فالبلد يعرف من الشيعي ووين السني
هات علمك وانتبه واحذر من المنقودي=واعرف انك في طريقك مانته بمتهني

قد مضا من حضرتك يا ابن الكرام وعودي=واحترينا واحترينا لين خاب الضني
أرد فوق الجمه اللي جمها قرهودي=لا تقول انا فنان وعاينوا في فني

وصلك المكتوب وانته لاتجي فحدودي=لايطبل فوقك ابليس العور ويدني
انت يابن روق توك فآخر العنقودي=كن هرجك والنصايح وسط صدرك كني

انت شاهد والرجال الحاضرين شهودي=لا تقول شوي ليش تقولها يا سني
ويش لونك بعد جاتك ضربت العبرودي=روح وصّلها عصيم ورد علمك عني

المشاركة الأصلية كتبت بواسطة صقر جعيد (المشاركة 1113953) سحيم الروقي ماجد العصيمي صحت الألسن والقلوب متابع للأبداع

يا مرحبا يا ابن عتيبه

متابعتك هي الشرف

تحيتي