ياعمدة الشعار,,, مدري عمدة الروقه عموم=( اترك جمال عقيل زرق عيونها وجلودها )
ترى الرجال اهل اللزوم ,,,اللي تكمل فاللزوم=ما تلتفت لاهل العلوم اللي تبيح سدودها

ما ودنا الا نستر العاري ويبقى بالهدوم=لكن نفسه للشقا مدري وراه يقودها
ترى زبون الطيبة يبا يحصـــل من يسوم=بالعملة اللي من على العملات بين زودها

بعض العرب حضه يطيح ,,, وبعضهم حضه يقوم=مير الليال البيض بين فرقها عن سودها
وين انت ياللي تاخذ علوم وتجيب النا العلوم=اتعبت نفسك فالخلا حتى قضى مجهودها

ناظر ضحايا الوقت واسجد للولي في كل يوم=حتى عليك ام الخلاخل ما تصك خدودها
ان كان ما صليت ما قلنا علامك ما تصوم=جود العرب يا طيب الهقوات من موجوها

حرب البشر ولاّ زمانه وأبتدى حرب النجوم=وانا احمدالله سالم ورجلي ما زل حدودها
ان كان مايلقى عليك اللوم فأنته لا تلوم=كم ناس يذكر جودها ,, ولا لقينا جودها

الكبتن الطيار جاهـــز والعوافي ما تدووم=يبا يهد الديرة ام قرود فوق قرووودها
من طب في بحر العرب ماله خيار الا يعوم=والا البلاد اللي غزا منها غدى مفقودها

يحسب حسابه فالدفاع ويحسبه عند الهجوم=ترى عدن قامت تشجع للقتال زيودها
اللي منول يسبح البحر اصبحت كبده تحوم=تليفت كبده ,,, من رجالٍ كبار كبودها

الله يخفف عن عباده من كثيرات الهموم=ويعينها في كل مرة تاصل لمقصودها
يا قرم ياللي خابرينك قرم من بين القروووم=لا تشتكي جور الليالي لو تزيد وفودها