حبيب والسناني ووضع النقط فوق الحروف
 

السناني
يارب سترك .. شفت نور البرق واوحيت الرعود=والظاهر ان الجو صافي والمزون .. مصدقه
يازيد .. لا تامن حبيّب قبل ترسيم الحدود=ان كان ماعندك من الماضي .. عقود موثقه



حبيب
ان خيّلت ثم امطرت وانته قريب فالوجود=اصبر يالين السيل يسري من على الارض وذقه
يازيد .. لا تخطي عليّه كان ماعندك شهود=عط السناني بالكريك وغلقه بالملعقه


السناني
حمر النواظر .. ها هُنا / والحكم .. حكم ابن سعود=لاتقول ياحلو العنب .. لا ما يدينك تلحقه
يازيد .. حاول لا تعديهم مواريث الجدود=ترى حبيب .. مبتلش في بشته المتشققه


حبيب
وش عرفك هذا الديّر ! وانته ورى ضلع القرود!!=ماجيت غير العام .. يوم ان الصفوف مصفقه
منته وكيل اهل المكان ! الي قويين العضود=احيان تبني صندقه واحيان تهدم صندقه


السناني
نخوه وميقاف وحميّه ! وانت منته بمعدود!!=اما شملتك بالعفو ولا وراك المشنقه!!
المسلمين اخوان في حرب النصارا واليهود=نبغا تبايعنا الكتاب .. معلقه ومطلقه


حبيب
ماغاديٍ لك يالسناني لا بعير ولا قعود=بس انت من زود المنافق ماتكب النقنقه!!
انا ولد عاصي ليا جات الفتايل للزنود=يالارنب المترنّبه والارنب المترندقه


السناني
اضحك على فكرك .. بتجميع السرايا والجنود=الجمعه الي جات في حذفة حصى متفرقه!
انته ولد عاصي .. وصفحات الزمن بيضن وسود=اربع قوانينن عليك ابكل حال مطبقه


حبيب
يامطير .. سوو مع محمد عقد من ضمن العقود=يمكن يودي سالفه ولا الثقه ما من ثقه
البيض فالي يالسناني فالصدور وفالورود=وانته مطوع كل ماربيت لك دقنك تحلقه


يقول الناني 00 ترا حبيب مبتلش في بشته المتشققه وهذا غلط البشت مذكر

المفروض يقول 000 ترا حبيب مبتلش فالجبه المتشققه وهذا الصح

اقروها علي راحتكم ولي تعليق بعد قرائتكم لها

مــوضوع تلو مــوضوع ورد يخلف رد

ولا زال خلف المطيري

يناضل ويحشد جيوشه في مهاجمة السناني بشتى الوسائل الممكنه

ويذر الرماد في العيون بوضع حبيب طرفا في كل رد وكل موضوع

يخص السناني لجذب الردود في صفه

اعانك الله يا خلف

محاورة ممتعة وشعراء عمالقة ،، حبيب والسناني ثنائي مرعب ممتع مرح ...


مشكور ياخلف المطيري

لله درك يابو فيصل


عند قراءت ابيات حبيب تحس فيها سهولة التركيب قوة اللفظ حبكة الابيات الفكاهه في بعض الابيات


ماتكب النقنقه

تودي سالفه

ههههههههههههههههههههه

اما السناني


تحس ابياته فيها تعقيد في تركيبها

الجمعه اللي جات في حذفة حصى متفرقه

شطر مدري وش يبي


لاهنت يابو عبدالله وبانتظار موضوع سرحان الشيباني الله يرحمه

اضحك الله سنك حشد ومناضله علي ويش

انا ماني عارف ارضي الجميع ان جبت شاعر مطيري قلتوا تعنصرت

وان جبت شاعر عتيبي قلتوا تلزق فيهم عشان تكسبهم في صفك وش الحل يعني

--------------------------------------------------------------------------------------

طيب اللي يفصل بيني وبينك الطاروق اترك الاسماء علي جنب

وعطنا رايك فالطاروق تعليقك مهم

وبعدين ابوفايح اكثر واحد ينزل مواضيع عبدالله الميزاني وما قلت له نفس كلامك بالعكس

كنا نناقشه وعادي

ودي اسمع تعليقك علي الطاروق

محاورة فيها قوة وابداع

وبصراحه مشعلل القسم ياخلف

تحياتي

ههههههههههههههههه

الله يستر يالجوارسي

كان ماطمرت شراره في ثوبنا واحرقتنا من هالشعلله خخخخخخخخ

حياك الله

خلف المطيري وافي الله لا يهينك ولا يلحقك لوم ولا عتب

أجودي تكلم حسب عرفك ،، لكن انتبه لا تحرج نفسك !!!!!

البشت الله يسلمك اذا تعرفها تذكر وتؤنث وهذا شي معروف ودارج والأمثلة على ذلك كثير





حتى تستيطع تنقد وتحلل معاني لابد أن تمتلك بعض الأدوات وتطور من مستواك ياخلف حتى تتجنب إحراج نفسك لأن مثل هذا الأمر من بديهيات اللغة وأمر ثابت ومتقرر :

يجوز تذكير المؤنث ،،،،، ويجوز تأنيث المذكر

قال تعالى في سورة يوسف : ( وقال نسوة في المدينة ..... الخ الأية ) قال مذكر

وفي الاية الأخرى يقول تعالى : ( وقالت الأعراب آمنا ......... الخ الاية ) قالت مؤنث .

الأن يمكن إنك عرفت ياخلف .... وأبي أسألك :

وش معنى البيت ياخلف المطيري ؟؟ وبعدين تجيب طاروق مثل هذا وموضوعه مثل مانت شايف ...الله يهديك بس

لو لا اختلاف الاذواق لبارت السلع

السناني هنا حاضر بكل قوة وحبيب مايحتاج مدح

ارى هذا المثل ضدك ياخلف

تحياتي لك يالغالي

برق شمالي انا بسألك



تقدر تقول البشت متشققه ولا تقول البشت متشقق ؟