افا وين بعض اعلومكم واليالي سود =تجي كنك الزعلان وتروح ناسيني
انا مابعد مرت علي الحياه أسهود =ولو شانت الدنيا ترى العز مغنيني
انا ملحق المقفي ولاناطح المقرود =ولا نيب اجامل واحد مايدانيني
يدي لوما تساعدني وانا واقفن مضهود=جفيت الجفا فيها على غير تكويني
ولاخور لو بعض المواقف تموت اسجود=تحتها العواتق واشهب الموت ناويني
وانا مابعد جتبي ظروف السنين اتقود =على غير ماودي ولو حرقت عيني
وعلي لو تصير أصدوركم كنهن الحود=عليكم سعة صدري سوات البساتيني
وفاي القديم اكبر من الحاضر الموجود=وعليه ثناكم مات موت المساجيني
رفعني صمود الصبر يوم العضود تجود=نهار العياد اللي مضى فوق جافيني
تعيش النفوس الناقصه مجلس المنقود =ليالن تتالى ماجزع صاحبي فيني
ثناه المقام وهبطه لين عود عود=خذاه المكان امراح والناس ساريني
كوايا الزمان اللي ذلف والعروق ورود=على جمة منها تموت البعاريني
خطاها السحاب المستهل صافين قرهود =ولا لينت ضميا كبود المساكيني
ابيكم تجون اكبار عند العرب والنود=عليكم تسوق الخير وانتم مياميني
وبيكم تجون اصغار في حضرة المعبود =عساكم بعد يوم القيامه عزيزيني
هذي منوتي والله ورى غايت المقصود=ونا ادري عن الغادي خوي المقفيني
مداها صفاء قلبا عليه الحمول أشدود=هو الغايه القصوى لعدل الموازيني
هو القلب قلبي لو شكا من حمد وحمود =ابا ارضييه مره وانصحه لايعنيني
انا خابره بالجاه دايم يفك اقيود =ولا حسفه ماله ولا ثقاله ديني
جواري زمان اليوم لو ماعليها زود =حجاها الهموم اللي كبار الضلاعيني
جعلها الله القادر وراء شاني المعهود=عليها كبر قدري ونا راعي الزيني