لزوم أنجازي الطيب ولازم نعرف البـطال=وأشوف الناس قامت تذكر البطال بالطـيبي
زمـان الخير باقي وبه ناسٍ يارجال انـــذال= يقولون النذل طيب وربي يــعلم الـغيـبــي
ولـيا جت حاجته عندك يجيك لحاجته يحتال= يجيك أوده أنه يقنعك بسلوب ترغيـــبي
ويـغشك ما يفكر فيك وانته صاحبه فالحال=تربى وسـط بـيـئـة شر صارو له مـعازيبــي
قبيحٍ مظهره لايق ويبدي لك علوم أرجــال=وصفات الثعلب المـكـار حوَّلها صفت ذيبــي
بخـيـل مايسرك وأن لفيته ضيفته فنجــال=طبيعة للبخيل البخل حـزات المـواجـيـبــــي
قليل إحسان حلو إلسان يعزف دايم الموال= ليا منَّه نوى رمي الهدف مايـخـطي يصيـبي
وأنا الي ودَّي أعرف مكسبه وأضرب له الأمثال=مدام انه يغش الناس فهو أنسان متـغـيبـي
وأخذمني نصيحة وأبتعـد عن صحبة الدجـال= ترى من صاحـب الدجـال فـيه الشك والـريـبي
وعـلاَّم الـغـيوب بحكمته قد قدَّر الأجـــــــــال=يموت اللي أنتهى أجله وبن ادم راسه يشيبي
وصلاة الله على رسولك اللي دعـوتـه مـثـال=مـثال يـقـتـديـبـه كـل مسلم مؤمـن مصيبي