الهيـــــــــــــلا *** منتدى قبيلة عتيبة - ياللي قنيت الطير خل المسااايير..!!

[img]http://www10.0zz0.com/2010/10/15/10/680708043.jpg[/img]

ياللي قنيت الطير خل المساييـر
للي كلامه بين لـوّي ولـوّه
ان كنت صقارٍ فخاو الصقاقير
وطيرك محله داخل القلب جوه
أغلا من كنوز الذهب والدنانير
ومقياس حبه فالغـرام بعلـوه
خل السفر والعولمه واتبع الطير
مادمت رجال ٍ تعرف المـروه
الطير يبغى له معـزه وتقديـر
وخوة رفيقٍ بالـردى ماتفـوه
حسبي على ذيك الليال المعاسير
يوم ابعدتني عن حبيبي وتـوه
حرٍ ونادر وحشٍ وتوه صغيـر
متفرد ٍ بالزين حضـرة سمـوه
وفالهدد وافي مايجي منه تقصيـر
مابه عذاريبٍ ولافيـه سِـوه
لافكّت اسبوقه تعلا الشناتيـر
طيررٍ كفو ماهو بطيرٍ مشـوه
وانا عشقته والعشق دون تبرير
وسود الليالي بعدتنـااااا بقـوه