بيرق الاحزان
 

السلام عليكم ورحمة الله وبركاته



تعبت اكذب على نفسي واجامل والعذاب الوان


تعبت اتصنع الضحكه وامش بكفي دمعاتي


غديت لغربتي ديره علمها بيرق الاحزان



يرف اليا قرب فرحي لجل ينهي مسراتي



حياتي كلها شعري وشعري للحزن عنوان



وعنواني تعب دربي وبسمه تكره شفاتي


اسولف واخفي العبره واضيع بعالم الكتمان



وانا وان جيت ابي اضحك عذابي يجرح لهاتي


تصور صرت اشوف اني بقايا في جسد انسان


ادور للحياه مرسى لجل انهي محطاتي



اناظر للبشر حولي احد يضحك واحد فرحان



وانا مجبور اسايرهم لجل اخفي عذابااتي


انا قصه يبعثرها زمن ما يأتمن خوان



وابي لو يوم بس واحد احاول اجمع شتاتي


حبيبي العذر منك وابسكت واخفي الحرمان



اخاف دموعي تخذلني واكسر عزتي وذاتي




وسلامتكم

صح لساااانك يالغااالي ..



قصيده رائعه ..



استمتعت بقرائتها ..



تحيتي
..

صح بدنك يالغالي


وبيض الله وجهك


وتشرفت بالمرور


ولاهنت



تقبل مني ارق التحايا