الهيـــــــــــــلا *** منتدى قبيلة عتيبة - طاروق شقر أمل أن يحوز على رضاكم "

احمد حامد الزايدي

يكثر الفتن وشوفها دوم في زود=وأبه من يحلل شيء قبله محـرم
أرى أن القيامه في قريب الليالي=وتبقا الأمانه عنـد راع الأمانـه

سليمان بن عقاب

لا زاد الكْبِر قلنا فتاويه من زود=وراعي الرمارم شايفه والمح الرْم
لكن شرهة اهل المصْلحه فاللي الي=ماجوّد جماه ولا ربط مكْلمانه

احمد حامد الزايدي

جمالٍ تحيك السم صرعى من القود=ماضن احد كرمها وهـي متكـرم
وأبه ناس مفتونه وجاها مجالـي=يحيك العانه مـن يحـب العانـه

سليمان بن عقاب

حتى لانقليزي يعْرف الباد والقـود=غير اطلع من المجْلس ولو ماتكرِّم
ولو قلت جاك الهم والهـم جالـي=فهذا حصاد ابليس والكيـل عانـه

احمد حامد الزايدي

يموت البنادم مار مايسلم الـدود=يفلي في جسمه حروتي ويتضرم
ماينجي منه ياخوك صاحب معالي=مدبره رب الكون عنده ضمانـه

سليمان بن عقاب

وحبل الرجا ممدود والعمر محْـدود=ونار الفتن في كـل وقـتٍ تضـرّم
ياكم طير كان يطير ويحوم عالـي=هبد فوق الارض وكسّرت عيضمانه

احمد حامد الزايدي

عسى اللي يغش الناس فالنار ملهود=مع أبليس يحشرفي جهنـم يغـرم
جهنم جزاه وفـي جهنـم يصالـي=لسانه حصانه والبـلا مـن لسانـه

سليمان بن عقاب

عمل قوم عادٍ مايوافق عمل هود=يحبونها الاصنـام حـبٍ يغـرم
فصل بينهم فالمحْكمه فيّصالـي=خصيم الحقوق وصارمٍ باللسانَه

احمد حامد الزايدي

ترى اللي تنمرد قبل سموه نمرود=تحمل جريمه واجب أنـه يجـرم
على الدين يعمل حيلة وحتيالـي=ومن مايعـزه خالقـه ذل شأنـه

سليمان بن عقاب

يابوحامد الله ويش سوّا بنمرود=بعد ما تنمرد بالظلال وتعجرم
لحِمْلِه يبي يحتال ماش احتيالي=لاحاول يزيّن شي فالدين شانه

[/quote]