ياراكب(ن) من فوق سبع وثمانين = جمس(ن) وعود الهند وحده زهابه
يلفي لبو خالد* معشي المجيعين = خلف ربيع الي نزل في جنابه
كبير ربع(ن) بالمواقف مديحين = من روس دسمين الشوارب عتابه
قالو ثقال وقلت ماهم ثقيلين = ثقالة(ن) تضفي عليهم مهابه
يلقى بمجلسهم دلال وفناجين = وسولف(ن) ممزوجة(ن) بالحبابه
جماعة(ن) للعرف والعقل والدين =وجيوبهم تشبه صدوق السحابه
ينزلون الضيف منزل سلاطين = والجار ما قامو عليه الطلابه