باسم الذي فضل نبيه عن الناس=باسمه بديت وياعساها تياسير
وباسم الحبردي مرحبا ً مالها قياس=عد النجوم وعد وبل المزابير
ويا مرحبا عداد ماتصدر أنفاس=ترحيب ٍ أحلى من حليب المصاغير
ولو أثني الترحيب وأجمع لك الناس=كلها ترحب ثم أثني معاذير
ما أظن توفي حقك وكلي احساس=بإني مقصر لا وشبعان تقصير
لأنك بشر غير البشر أنت نبراس=للمرجله وانته زبون المخاسير
فيك الكرم فيك الشجاعه على ساس=مورثه لك من يقود الطوابير
يا مشجع أهل البل على كل نوماس=فعلك بنوفا يعجز رجال يا امير
وأيضا لكم عشق ٍ معَ قب الأفراس=فيها بذلتوا جهدكم والدنانير
ويا امير لو باكتب بمليون كراس=في وصف شخصك ما تفيد التعابير