ابدا بذكر الاله رب عتيبه وقحطان=ياخالق العبد منك العون وعليك التكايل
اليوم انا في كتبتي شاره وزعلان=واليوم جاني من البنت سهوم العيب قايل
ترحمي على الميت واطلبي له المغفرة=والرحمة ما تطلب على لحوم القبايل
تقولين يفداك ويفداك من الناس واسمعي=ترا الفدو ماهو بالحتسي واهروج الخمايل
تروح بكلام المشاعر شيبٍ وشيبان=وتحسبين إنك صادقة بالمودة والتهايل
وتقولين يابنت ياليتني معه بديرته=ونسيتي أرض العقيدة والحرم والرسايل
وتقولين ما شفت بعيني وانتي كذوبة=من غطا الشمس باصبعه يحسب انه يحايل
هي ديرتي كالشمس بالحق ساطعة=ولا يضرنا من غطى العين والها يخايل
أنا ديرتي دار المعز عتيبه وقحطان=هم حماة الدين واللي على النهج سايل
ذا نهجهم هو ورثهم ابوهم وجدان=والعود على اول ركزته ساسه ما يمايل
أفا يا بنت تمنين الموت وانتي صغيرة=وشلون لا كبرتي حكمك علينا يصايل
اليوم على روحك منتحرة وظالمة=وبالآخره قدام ربك تشيلين ردي العمايل
قد قيل في سابق الوقت وهذي نصيحة=الطيب الـ هله معروف وجحاده ظلايل
من عافنا عفناه ذا قول الضماير=نعافه وحنا هل المرجلة نقدر قول وفعايل
ومن تبيعنا برخصٍ لو هي جميلة=نبيعه على المرار ببلاش ولا له فضايل
ذي عتيبة يابنت كانت انتي جاهلة=نسل عدنان وللرسول خواله بالنسايل
وذي قحطان يابنت افهمي لي وافهمي=أصل العرب وللعرب منبع وسلايل
ولا نجحد الطيب عن هل الطيب وانصفي=من حصَّل الطيب يستاهله كفو الحصايل
وآخرها صلاة ربي عداد عتيبه وقحطان=وعداد كل مخلوق على البسيطة يجايل
على المصطفى سيد الخلايق كلها=شفيعنا عند الحساب وله علينا الجمايل