حي الجواب اللي على عرف وقياس =اعداد مايمطر غشين الغمامي
وراع الهوا يصيبه احيان وسواس =يقفي ويقبل به كثير الغرامي
يشبه لدالوق على موج حساس =خطر من الغبه يجيه التطامي
يأخذ على درب المحبين مرواس =ولا يحلقه فا الحب شتم وملامي
اشرح لزومك وارفع البيت بالساس =وانا معك بواجبي باهتمامي
على طريق الشرع ماهوب الادناس=حكم الشريعه وارتضاه النظامي
واحذر تبين سر قلبك للانجاس= الي عليك بخبثون العلامي
اللي لهم في عرض الاجواد هجراس= عاداتهم شذب القفى للحشامي
وعليك بالطيب ليا جات الاتعاس=والا الردي ماينحزم به حزامي
تراه لو يرقل له ايام ينحاس =ولاله مع اهل الطيبات التزامي
والناس فيهم دارسين ودراس =وتعرف صناديد العرب بالأسامي
وصلاه ربي عد ماهب نسناس= على النبي ازكى صلاه وسلامي

المشاركة الأصلية كتبت بواسطة خالد بن مورق (المشاركة 1104379) صح السان الشيخ/معزي بن مقعد بن صايل ولاهنت على نقل الابيات

المشاركة الأصلية كتبت بواسطة ابن بشيّر (المشاركة 1104543) اللهم صل على محمد وعلى ال وصحبه الكرام وصح لسان الشيخ معزي والشيخ مشعل ولاهنت ياواثق على النقل المميز لك كل التقدير

المشاركة الأصلية كتبت بواسطة محمد العتيبي (المشاركة 1104672) الله الله قصيده رااائعه .. صح لسااان الشاعر / معزي بن صايل و الشاعر / مشعل بن محيا ولاهنت على النقل يالغالي .. تحيتي ..