على خيرة الله عقب مادارت الأيام = نبا نشعل الطاروق ونجدد الماضي
لياكثروا الحكام تتكثر الأحكام = ولوّ أكثر الأحكام ماترضي القاضي

على خيرة الله يالدجيما الوعد قدام=تهرج عسى فالامر خيره يابن عاضي
ولو كثرو الحكام معروفن الضرغام=وينصاه منهو واثق بحكمه وراضي

غدت سطوة الريجيل من قبل 5 أعوام = هروج ومهايط وأكثر الهرج فالفاضي
خلق ربي الأنعام واجتثّت الأنعام = ولا ألوم بعض الناس لامات مغتاضي

غدت ماغدت ولكل خشمن قطوع عرام=مادام الحرار تحوم وحبارن ارباضي
ترى اكثر عباد الله تغويبها الاحلام=ينام بقفر والبا صحى داخل رياضي

عراق الفخر يبكي رحيل البطل صدام = وحنّا !!! .. بلاشي قبل تنكبني ألفاظي
سقا الله وقتٍ فات ثوب الخليجي خام = مع اوقات مايلبس بها غير الأمراضي

وحنا بخير وعز بقيادة الامام=وكفولها لاصار حربن ومركاضي
والا ياحسن تفكيرك يجر للاوهام=ترانا بربيع ان كنت عايشلك بقاضي

على قولتك مليون من رمز الإستفهام ؟؟؟ = غريبة .. من اللي داخله عرق نضّاضي
مادامي فظلّ مشرّع الحكم والإسلام = فلا همني من في ربيع العنا خاضي

ترى اللي معرض قلبه لسومة السوام=يعيش الزمن في جور والوقت عضاضي
لكنك تنطع ودك تنكس الاعلام=وهذي كبيره وانت حجمك حجم باضي

علي الحرام اني حشيم وسليل حشام = كتمت المشاعر لين لوع الحشا فاضي
عسا الله يديم الأمن ويصحّي النيّام = قبل صبّ مزنة شرّ برّاقها ناضي