الليله المعنى على راس الشهيب=اللي نشوفه جالسٍ فالزاويه
مدري يهاب النار ومصلا اللهيب=والا يجي مثل الفراشه ضاويه

الشيخ فالمرقاب وانتم فالشعيب=والسارحة بكره تراها ضاويه
والذيب لامنه عوا جاوبه ذيب=مايبتلش يوم الذيابه عاويه

وشلون جيت العلم والمعنى رهيب=ما تدري أن الكل جرح مداويه
خابرك ذيبٍ فالعشا ماله نصيب=حيث أن ما هو للمغازي ناويه

حنا لنا فالمعرفة حظ ونصيب=يوم اكثر العالم جيوبه خاويه
وانا ليا حان اللقاء كفي عطيب=اذهن تطيح اليوم جوف الهاوية

ما شفت من طيبٍ تعد اليوم طيب=هذاك قدام البعير الثاويه
ترا الوباره فالهضاب الها رقيب=وأن جا الخطر يلوي لسانه لاويه

ترا الدعاوي من قريب اليا قريب=والعلم لابده يجيبه راويه
هداج مايعتاز واشرب ياشريب=والقوم من هداج دايم راويه