قلوب محشومة(ن) وقلوب مفروكـه=عزي لقلب(ن) من الاحزان مفروكي
عوب القوافي ترى ماهيب متروكـه= يانادر الشعر قاف الشعـر مكبوكـي
الهام شاعر براسه من زمن صوكـه=ساق الشرايد والاخرى عنده بروكـي
كله على شان من تجزع من الشوكه=سلايل اهل النقاء والطيب والصوكي
حمامة(ن)ياسعـد للحـر مشبـوكـه=مال الوكارى عليها درب وسلوكـي
محشومة(ن) ياسعد ماهيب صعلوكـه=ما لعبت التنس والجمبـاز والهوكـي
بيبان ادبها عن السنـدول مصكوكـه=باشة جمال النساء والطبع مبروكـي
صفراء(ن) نهار السبق عوبا ومفكوكه=تسند على كيفهـا وتغيـر وتروكـي
تعرف غلاها يابـن عتّاب مبروكـه=من يمنـا مادخلهـا ظـن وشكوكـي
لكن مـن دونهـا البيبـان مسموكـه=ومن دون بيبانها تابـوت وشبوكـي