والله لوسقت القبايل طوابير=ماغيري من الناس حس بغـــــــــــــــــلاتك
مهري لو انك ماجعلته دنانير=وثقّلتني بالماس ردّوا عطـــــــــــــــاتــك
...شرواك عندي من الرّجال المناعير= لكن ظروفك قصرت لك عبــــــاتك
ياما لكم داخل عروقي مشاوير= حتى عروق القلب صـــارت قناتـــــك
ونيت ونه ضاقت ابها المكاوير= ودمعك تنزّل والوفا من صفاتـــك
...صفّقت من صفر الدلال المباهير= على النفيله يوم ردّوا وصاتــــك
وش عاد ينفع طيب ورد ونواوير=دام الحزن لوّن حياتي وحياتك
أسطورتي واحلى من احلى الاساطير=خذها من اللي يعشقك في سكاتك
الصوت أهدى من سكون التعابير= هيبة سكونك في زعامة سماتـــــــــك
...وش حيلتي غير السهر والتفاكير=والحال من بعدك ترجّى ثباتـــــــــــك
لاتنهزم ثابت بوجه المقاديــــــر=وانا إلين النصر اربــــع جهاتـــــــــــك
ما قلتلك عند الموادع على خير=خلهم يلفوني بحواشي عباتــــك
اموت واوصي شاكي الحب والطير=: يسقون بذر الحب في امنياتك
...الجو عندي غير والحب لك غير=خل الزعل للغير لو هي حماتــك