" "

على راس الجبل والشاطي المنكوب والغبه = تهيض يازماني واحذف العيات في دربي
قليل العرف ما ادانيه ياناصر ولا حبه= خبيث الطبع مذموم السجايا \ يقلعه ربي
هذاك اللاش \ تكفى لن لقيته لا ترحبه = لحيث انه على الزلات وانا اخوك متربي
ولو شفته صفالك فالرخا لن طعتني كبه = قبل تنشد عنه وقت الشدايد وين متخبي
ليا منه هرج يجرحك جرح ماعرف طبه = ولا منه سكت قلبه من الاحقاد متعبي
وانا من يوم اشوفه يومي بذيله و يلعبه = لا ابسلم علاه ولا هقيت انه يرحبي
هذا لو تمدحه في ذمتي لتعود \ اتسبه = غشيم و يتبع الغرات . . وانا قول من حبي
تجنب صحبته قدام ينشبك وتنشبه = نصحتك والنصيحه غاليه والسر في عبي "
ترى هذي وصوفه وانت \ خلك منه متنبه = انا \ ماخذت منه الا \ قصيده داخل كتبي

ارحب يالشهيب عساني والله ماعدم حضورك ومتابعتك الغاليه "


وصح بدنك "

صح بدنك يابو فيصل ومرورك فخر لا عدمتك "