جنية خليف لاحيه ولاميته = تمسي براسه وتصبح داخل المقبره
الموت في راسها والشيب في لحيته = ويموت لو هو ولد رجال وأمه مره

من شاف جنيتي ينطق بجنيته = يصبر على لبس عقل وخنقة الحنجره
اكبر مهمه على الرجال عاريته = لو كان حضرة زبيبه عقبت عنتره

يالعود مافوق راسك غير طاقيته = وانته قصير وصرت اقصر من المسطره
ضربت حسنة ولد عباد في سيته = لاعاد بينه وبين الموت غير شعره

الي حفظ لبس راسه صحو عقليته = وليا مزحتوا معه زعترلكم زعتره
مافيه من حرب يعرف راس ماليته = اليا رضيت حجره وليا زعلت حجره

انا لزمة المطيري في مطيريته = لقيت ماعنده الا النفخ والمسخره
ماهو بداري لو انا ناخذ اعبيته = لو ان مافوقه الا الثوب والكندره

عمك وعمك مجرب فيك جنبيته = لوحدثة حرب في بض الحديث فجره
مشعابك الي تشيله زيته زيته = مافيه صوره في ثور المنزله في بقره

ماهو بعمي عمت عينه على قيته = ويعيش في مجحره ويموت في مجحره

0


0

الله يرحمهم..